चालु आवको प्रथम त्रैमासिक अवधिमा बैंकको खुद नाफा १९.५२ प्रतिशतले घटेको छ । बैंकको खुद नाफा २५ करोड ३१ लाखबाट २० करोड ३७ लाख रुपैयाँमा झरेको हो ।
३० प्रतिशत हकप्रद र १५ प्रतिशत बोनस वितरण गरेर ८ अर्ब १५ करोड २५ लाख रुपैयाँ चुक्ता पूँजी कायम गरेको बैंकको प्रतिसेयर आम्दानी ९ रुपैयाँ ११ पैसाले घटेर ९ रुपैयाँ ९९ पैसा कायम भएको छ । बैंकको प्रतिसेयर आम्दानी गतबर्षको यसैअवधिको तु्लनामा आधा बढीले घटेको छ ।
बैंकको खूद ब्याज आम्दानीमा पनि १८ लाख रुपैयाँले गिरावट आएको छ । अघिल्लो आवको पहिलो त्रैमासमा ५१ करोड ५६ लाख खूद ब्याज आम्दानी कमाएको बैंकले अहिले ५१ करोड ३८ लाख मात्र आम्दानी गर्न सकेको छ ।
समीक्षा अवधिमा बैंकले ६३ अर्ब ६१ करोड ५४ लाख निक्षेप संकलन गरी ५४ अर्ब ४९ करोड १७ लाख रुपैयाँको कर्जा परिचालन गरेको छ । बैंकको निक्षेप ९ करोड ५३ लाख र कर्जा परिचालन ८ करोड ४ लाख रुपैयाँले बढेको छ । जोखिम व्यवस्थापनका लागि १५ करोड ६८ लाख प्रोभिजनमा राखेको बैंकले यस अवधिमा ७ करोड ५ लाख राइटब्याक गरेको छ ।
बैंकले जगेडा कोष ६२ करोड रुपैयाँले बढाएर एक अर्ब ७१ करोड पुर्याएको छ । जगेडा बढेपछि बैंकको प्रतिसेयर नेटवर्थ १०६ रुपैयाँ ७ पैसा पुगेको छ । बैंकले खराब कर्जा अनुपातलाई घटाएर १.४९ प्रतिशतमा झारेको छ । बैंकको कोषको लागत २.९४ प्रतिशतले बढेर ७.३० प्रतिशत पुुगेको छ भने मूल्य आम्दानी अनुपात ३३.१२ गुणा कायम भएको छ ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................