पाँच अर्ब ८८ करोड चुक्ता पूँजी रहेको बैंकको प्रतिसेयर आम्दानी १७ रुपैयाँ ०५ पैसा कायम भएको छ । समीक्षा अवधिमा बैंकले ६५ अर्ब २९ करोडको निक्षेप संकलनलाई बढाएर ८२ अर्ब ८४ करोडमा पुर्याएको छ भने कर्जा परिचालन ५१ अर्ब ७४ करोड रुपैयाँबाट ६६ अर्ब ७६ करोड रुपैयाँमा पुगेको छ ।
बैंकको निक्षेप संकलन र कर्जा परिचालन बढ्नु, ब्याज आम्दानीमा सुधार हुनु, सञ्चालन नाफा बढ्नु सकारात्मक पक्ष हुन् । तर निक्षेपमा प्रदान गरिने व्याज खर्च उल्लेखनीय रुपमा बढ्नु, कर्जा नोक्सनी व्यवस्थाको रकम थप गर्नुपर्ने अवस्था अाउनु, कर्मचारी खर्च र अन्य सञ्चालन शिर्षकका खर्च बढ्नु लगायतका कमजोरीले केही सुधारका बाबजुत प्रगति भने आशलाग्दो बन्न सकेको छैन ।
बैंकले जगेडा कोषमा उल्लेखनीय प्रगति गरेको छ । गत आर्थिक बर्षको पहिलो त्रैमासको तुलनामा यस बर्षको सोही अवधिमा जगेडा कोष दुई अर्ब २८ करोडले बढाएर दुई अर्ब २८ करोड २४ लाख रुपेयाँ कायम गरेको छ ।
बैंकको व्याज आम्दानी बढाएपनि व्याज खर्च ४८ करोड ९५ लाखबाट एक अर्ब ३४ करोड १९ लाखमा पुगेपछि उसको खुद व्याज आम्दानीमा थोरै मात्र सुधार आएको छ । बैंकको खुद व्याज आम्दानी ४६ करोड ८२ लाखबाट पाँच करोडले बढाएर ५१ करोड ४२ लाख रुपैयाँमा पुगेको छ ।
ग्राण्ड बैंक तथा तत्कालिन किष्ट बैंकको खराब कर्जामा बैंकले धेरै सुधार गरेको अवस्था रहेको छ । बैंकको निस्क्रिय कर्जा ७.५४ बाट ४.२३ प्रतिशतमा कायम रहँदा पनि बैंकको कर्जा नोक्सानी वापतको फिर्ता रकम भने १३ करोड रुपैयाँ मात्र रहेको छ । जबकि बैंकले गत आर्थिक बर्षको पहिलो त्रैमासको अवधिमा ३३ करोड रुपैयाँ खराव कर्जा असुली गरेको थियो । नोक्सानीमा रहेको संम्भावित जोखिम कोषको रकम भने एक करोड रुपेयाँले बढेको छ ।
पूँजी पर्याप्तता १०.५१ बाट ११.०२ प्रतिशतमा बढेकाले पूँजी कोषमा सुधार भएको छ । तर बैंकको कोषको लागत भने तीन प्रतिशतबाट ६.५५ प्रतिशतमा उक्लेको छ । प्रतिसेयर नेटवर्थ १४७ रुपैयाँ ०४ पैसा रहेको बैंकको मूल्य आम्दानी अनुपात २२.१७ गुणा बढी रहेको छ ।
-----------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
