क्यापिटलले दिएको जानकारी अनुसार एक लाख २५ हजार ३४७ कित्ता सेयरका लागि अधिकतम १५० रुपैयाँसम्मको आवेदन प्राप्त भएको थियो । लिलामीमा आवेदन गरेका कुल ४२५ जनामध्ये ११ जनाले मात्र सेयर प्राप्त गरेका छन् ।
त्यस्तैगरि एक लाख ८० हजार ८८६ कित्ता संस्थापक सेयरका लागि अधिकतम १०५ रुपैयाँसम्मको बोलपत्र प्राप्त भएको क्यापिटलले जनाएको छ । संस्थापक सेयरका लागि १९ जनाको बोलपत्र प्राप्त भएकोमा एक जनाले मात्र सेयर पाउन सकेनन् ।
अरुणले गत आर्थिक बर्षमा एक करोड ४६ लाख ७१ हजार रुपैयाँ खुद नाफा कमाएर प्रतिसेयर आम्दानी ९ रुपैयाँ ८७ पैसा कायम गरेको थियो । फाइनान्सको सेयरमूल्य आईतबार प्रतिकित्ता १५३ रुपैयाँ रहेको छ ।
भदौ ५ गतेदेखि असोज ९ गतेसम्म शतप्रतिशत हकप्रद जारी गर्दा अवितरित भएको सेयर फाइनान्सद्धारा कात्तिक १४ देखि २२ गतेसम्म लिलामी खुला गरेको थियो । सेयरको बोलपत्र शुक्रबार खुला गरिएको हो ।
हकप्रदपछि कम्पनीको चुक्ता पूँजी ३० करोड रुपैयाँ पुग्नेछ । केन्द्रीय बैंकले तोकेको चुक्ता पूँजी पुर्याउन फाईनान्सलाई अझै ५० करोड रुपैयाँ थप गर्नुपर्ने हुन्छ ।
----------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................