गत आर्थिक वर्षको पहिलो त्रैमासमा १ सय ३ रुपैयाँ ५६ पैसा रहेको प्रतिसेयर आम्दानी अहिले ५१ रुपैयाँ ७७ पैसामा झरेको छ । तर लघुवित्तले वित्तीय बिवरणमा ७७ रुपैयाँ ६५ पैसा प्रतिसेयर आम्दानी रहेको देखाएको छ । यसरी लघुवित्तले जानाजान लगानीकर्तालाई झुक्याउने गरी प्रतिसेयर आम्दानीको झुठो बिवरण सार्वजनिक गरेको बुझ्न सकिन्छ ।
समीक्षा अवधिमा दोब्बर बढीले पूँजी बढाउँदा किन प्रतिसेयर आम्दानी सोही अनुपातमा घटेको वित्तीय बिवरण प्रकाशित गरेन भन्ने प्रश्न उब्जिएको छ । समीक्षा अवधिमा उसको खुद नाफा ७२ लाख ४९ हजार रुपैयाँबाट ७७ लाख ६४ हजार रुपैयाँ मात्र पुगेको छ । चुक्ता पूँजी भने २ करोड ८० लाखबाट बढेर ६ करोड रुपैयाँ पुगेको छ ।
पूँजी बृद्धि अनुसार कमाई नबढेपछि लघुवित्तको प्रतिसेयर आम्दानी घटेको हो । लघुवित्तको जगेडा कोषमा १४ करोड २७ लाख रुपैयाँ सञ्चित छ । लघुवित्तको खराव कर्जा अनुपात ०.४८ प्रतिशतबाट बढेर १.७४ प्रतिशत पुगेको छ । लघुवित्तको प्रतिशेयर नेटवर्थ ५०६.७७ रुपैयाँ छ ।
४ करोडको पूँजीलाई ५० प्रतिशत बोनसबाट ६ करोड पुर्याएको लघुवित्तले ५० प्रतिशत हकप्रद प्रस्ताव साधारण सभाबाट पारित गराई सकेको छ । उक्त हकप्रद निष्काशन भएपछि लघुवित्तको चुक्ता पूँजी ९ करोड रुपैयाँ पुग्नेछ ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................