गत आवको सोही अवधिमा कम्पनीले २ करोड ५५ लाख १६ हजार रुपैयाँ नाफा गरेको थियो । होटलको नाफामा सामान्य बढेपनि कमाई भने बढेको छैन । कमाई बढाएर भन्दा पनि खर्च कटौती गरेर कम्पनीले नाफा सामान्य बढाउन सकेको हो ।
समीक्षा अवधिमा कम्पनीको आम्दानीमा ०.११ प्रतिशत कमी आएको छ । कम्पनीले यसअवधिमा २० करोड ३० लाख रुपैयाँ आम्दानी गरेको छ भने १४ करोड १९ लाख खर्च गरेको छ । गतबर्षको यसै अवधिमा कम्पनीले २० करोड ४० लाख आम्दानी गरेको थियो ।
समीक्षा अवधिमा कम्पनीको प्रतिसेयर आम्दानी घटेर ३ रुपैयाँ २३ पैसामा सीमित भएको छ । गतबर्ष यस्तो आम्दानी ३ रुपैयाँ ८७ पैसा थियो । ७९ करोड चुक्तापूँजी भएको कम्पनीको संचित कोषमा १ अर्ब ४ करोड ६० लाख रुपैयाँ छ ।
