चालु आर्थिक बर्षको पहिलो त्रैमासमा यी बैंकहरुको चुक्ता पूँजी एक खर्ब ८६ अर्ब ४ करोड रुपैयाँ पुगेको छ । साथै बैंकहरुले यस अवधिमा जगेडा कोषमा एक खर्ब ३ अर्ब ३० करोड रुपैयाँ जम्मा गरेका छन् ।
नेप्सेमा सूचिकृत २७ वाणिज्य बैंकहरु चुक्ता पूँजी र जगेडाकोष गरेर २ खर्ब ८९ अर्ब आफ्नै रकम परिचालन गर्ने अवस्थामा पुगेका छन् ।
२७ वाणिज्य बैंकमा नेपाली जनताको २० खर्ब १० अर्ब रुपैयाँ निक्षेप रहेको छ भने बैंकहरुले १६ खर्ब ९१ अर्ब कर्जा परिचालन गरेका छन् ।
उक्त निक्षेप संकलन गरे बापत बैंकहरुले निक्षेप राख्ने ग्राहकलाई ३२ अर्ब ८६ करोड ब्याज तिरेका छन् । बैंकबाट ऋण लिएका ग्राहकहरुले यस अवधिमा यी बैंकहरुलाई ५० अर्ब १४ करोड ब्याज तिरेका छन् । अर्थात बैंकहरुले १६ खर्ब ९१ अर्ब कर्जा परिचालन गरेर ५० अर्ब १४ करोड ब्याज आम्दानी गरेका हुन् ।
यस अाधारमा हेर्दा बैंकहरुले खुद ब्याज आम्दानी बाट मात्रै १७ अर्ब २८ करोड आम्दानी गरेका छन् ।
बैंकहरुले परिचालन गरेको कुल १६ खर्ब ९१ अर्ब कर्जामध्ये बैंकहरुले ४ अर्ब ३२ संम्भावित जोखिम वापतकाे नाेक्सानी व्यवस्था गरेका छन् ।