सेञ्चुरीले अल्पाईन र सेतीलाई मिलाएर मंसिर २४ देखि एकीकृत कारोबार गर्ने

Nov 30, 2017 Merolagani

सेञ्चुरी कर्मर्सियल बैंक (CCBL) ले अल्पाइन डेभलपमेन्ट बैंक र सेती फाइनान्सलाई एक्वायर गरि मंसिर २४ देखि एकीकृत कारोबार गर्ने भएको छ । राष्ट्र बैंकले मंसिर ४ गते तथा कम्पनी रजिष्ट्रारको कार्यालयबाट मंसिर ११ गते अन्तिम स्वीकृति पाएपछि बैंकलाई एकीकृत कारोबारको बाटो खुला भएको हो ।

एकीकृत कारोबार सेञ्चुरी बैंकको नामबाट हुनेछ भने सेञ्चुरी बैंकको प्रधान कार्यालय रहेको पुतलिसडक बाटै सञ्चालन हुने जनाइएको छ । एकीकृत कारोबारका लागि तीनवटै संस्थाको तथ्यांकलाई एउटै सफ्टवेयरमा मिलान गर्ने व्यवस्था मिलाउन मंसिर २२ गते अल्पाइन र सेतीको सम्पूर्ण बैंकिङ सेवा बन्द हुनेछ ।

सेञ्चुरीले अल्पाइनको एक सय कित्ता बराबर सेञ्चुरीको ९३ कित्ता तथा सेती फाइनान्सको एक सय कित्ता सेयर बराबर सेञ्चुरीको ७० कित्ता स्वाप रेसियो हुनेगरी प्राप्ती गरेको हो । सेञ्चुरीको भदौ २३ गते सम्पन्न विशेष साधारण सभाबाट सो प्रस्ताव पारित भएको थियो । उता अल्पाइनको साउन १५ तथा सेतीको साउन १६ सम्पन्न विशेष सधारण सभाले सेञ्चुरीमा प्राप्ती हुने निर्णय गरेका थिए ।

 

दुबै संस्था प्राप्ती पश्चात बैंकको चुक्ता पूँजी ६ अर्ब नाघ्नेछ भने शाखा संख्या करिब ९० पुग्ने बैंकले जनाएको छ । साउन १६ गतेदेखि असोज २ गतेसम्म चुक्ता पूँजीको ३० प्रतिशत अर्थात एक अर्ब ८८ करोड रुपैयाँको हकप्रद सेयर जारी गरेपछि बैंकको पूँजी ७ अर्ब ८८ करोड रुपैयाँ पुगेको छ । 

राष्ट्र बैंकको निर्देशन अनुरुप राष्ट्रियस्तरको बाणिज्य बैंकले आठ अर्ब चुक्ता पूँजी कायम गर्नुपर्ने भएकाले अपुग रकम बैंकले गत आर्थिक बर्षको नाफाबाट बोनस वितरण गरि पुरा गर्नेछ । सेञ्चुरीले गत आवमा ४४ करोड ७४ लाख रुपैयाँ खुद नाफा कमाएको छ ।

चुक्ता पूँजी पुर्याउने क्रममा बैंकले यसअघि इन्नोभेटिभ र अरनिको डेभलपमेन्ट बैंक तथा सगरमाथा फाइनान्सलाई प्राप्ती गरिसकेको छ ।

 

यसरी प्रयोग गर्नुहोस डाटा एनालिटिक्स

comments powered by Disqus

हरेक नेपालीलार्इ शेयरधनी बनाउन ३५०० मेगावाटका आयोजना निर्माण गर्दै सरकार

Sep 25, 2018

सरकारले हरेक नेपाली नागरिकलाई जलविद्युत् आयोजनाको शेयरधनी बनाउने लक्ष्यका साथ तीन हजार ५०० मेगावाट क्षमताका जलविद्युत् आयोजना निर्माणको प्रक्रिया शुरु गर्ने भएको छ।‘नेपालको पानी, जनताको लगानी’ मूल नाराका साथ सबै नेपालीलाई लगानीकर्ता बनाउने र दीर्घकालीन रूपमा आर्थिक उपार्जनको माध्यम बनाउने लक्ष्यका साथ उक्त अवधारणा अगाडि सारिएको हो।