फागुन अन्तिम साता परिक्षण उत्पादन थाल्ने र वैशाखमा राष्ट्रिय प्रशारणमा जोडिने लक्ष्यकासाथ आयोजनाले काम गरिरहेको आयोजनाका निर्देशक रमेश प्रसाद न्यौपानेले मेरो लगानीलाई जानकारी दिए ।
आयोजनाले आफ्नो अन्तिम कामको रुपमा विद्युत उत्पादन मेसिन जडान र आफ्नो भागमा परेको प्रशारण लाइन निर्माणको कार्य तिब्र पारेको छ । विद्युत उत्पादन मेसिन जडान कार्य थालिएको छ भने आयोजनाको भागमा परेको १६ वटा प्रशारण लाइन टावर निर्माणका कार्य पनि अन्तिम चरणमा पुगेको छ ।
कम्पनीले नेपाल विद्युत प्राधिकरणसँग विद्युत खरिद बिक्री सम्झौता गरिसकेको छ ।
करिब ४ अर्ब अनुमान गरिएको परियोजनाको लागत नाकाबन्दीले गर्दा केही बढ्न सक्ने आयोजनाले जनाएको छ । १ अर्ब ५० करोड चुक्ता पूँजी रहेको कम्पनीको यो आयोजनाबाट विद्युत उत्पादन थालेपछि ऋण घट्दै जाने र पहिलो वर्षदेखि नै आफ्ना शेयर धनीलाई वार्षिक १० प्रतिशत लाभाशं दिन सुरु गर्ने निर्देशक न्यौपानेले दाबी गरे ।
गत आर्थिक बर्षमा कम्पनीले एक करोड ४९ लाख १२ हजार रुपैयाँ घाटामा रहेको वित्तीय विवरण सार्वजनीक गरेको थियो । गत आर्थिक बर्षमा कम्पनीले कुनै आम्दानी गर्न सकेको थिएन ।
यसै बर्षदेखि विद्युत उत्पादन गर्ने भएकाले आम्दानी हुन थालेपछि जगेडा कोष धनात्मक हुने कम्पनीको भनाई छ । चालु आर्थिक बर्षको पहिलो त्रैमासको वित्तीय विवरण अनुसार कम्पनीको जगेडाकोष १ करोड ४८ लाख रुपैयाँ नकारात्मक छ ।
अरुण काबलीले एक अर्ब ८८ करोड ४७ लाख रुपैयाँ बैंक तथा वित्तीय संस्थासँग ऋण लिएको छ । परियोजना निर्माणका लागि जलविद्युत लगानी तथा विकास कम्पनी र ६ वटा वाणिज्य बैंकहरुले कर्जा लगानी गरेका छन् । कम्पनीमा इन्भेष्टमेन्ट बैंक, एभरेष्ट बैंक, ग्लोबल आइएमई बैंक, लक्ष्मी बैंक र प्रभु बैंक लगायतले ऋण लगानी गरेका छन् ।
