साधारण सभामा कम्पनीले गत आर्थिक बर्षको नाफाबाट १८ प्रतिशत (६ करोड १५ लाख ३४ हजार ६३८ रुपैयाँ) बोनस सेयर तथा बोनसमा लाग्ने कर प्रयोजनको लागि ३२ लाख ३८ हजार ६६५ रुपैयाँ नगद लाभांश वितरण गर्ने विशेष प्रस्ताव पेश गर्दैछ ।
फाइनान्स कम्पनीले संस्थापक समूहको सेयर स्वामित्व ६० बाट घटाएर ५१ प्रतिशतमा झार्ने भएको छ । यससँगै फाइनान्समा संस्थापक साधारण सेयर अनुपात ५१:४९ कायम हुनेछ ।
अन्य प्रस्तावहरुमा फाइनान्सले अन्य उपयुक्त संस्थासँग मर्जर एक्वीजिशन गर्नका लागि संस्थाको सम्पत्ति तथा दायित्व मूल्याङ्गन गर्न मूल्याङ्कनकर्ता नियुक्ति, पारश्रमिक निर्धारण र आवश्यक कार्य गर्न सञ्चालक समितिलाई अख्तियारी प्रदान गर्ने प्रस्ताव सभामा गरेको छ ।
त्यस्तै कम्पनीको अधिकृत, जारी र चुक्ता पूँजी वृद्धि गर्ने, संस्थापक र सर्वसाधारण गरि पाँच जना सञ्चालकको निर्वाचन, चालु आर्थिक वर्ष २०७४/७५ को लागि लेखापरीक्षक नियुक्ति र पारिश्रमिक निर्धारण गर्ने, कम्पनीको प्रवन्धपत्र तथा नियमावलीमा संशोधन गर्ने, र वित्तीय विवरण पारित गर्ने लगायतका प्रस्ताव रहेका छन् ।
३४ करोड १८ लाख रुपैयाँ चुक्ता पूँजी रहेको जानकी फाइनान्सको बोनसपछि ४० करोड ३३ लाख रुपैयाँ चुक्ता पूँजी पुग्नेछ । चालु आवको प्रथम त्रैमासमा फाइनान्सले २७ लाख ६५ हजार रुपैयाँ मात्र खुद नाफा कमाएको छ ।