चार्टडले यसअघि नै पुस २६ गते आर्मी अफिर्सस क्लब भद्रकालीमा दिउँसो १ बजे ३१ औँ बार्षिक साधारण सभा बोलाएको छ ।
उक्त साधारण सभाले आफ्ना सेयरधनीहरुलाई एक बराबर एक कित्ताका दरले बोनसका साथै कर प्रयोजनका प्रतिसेयर ५ रुपैयाँ २६ पैसाको दरले नगद लाभांश वितरण गर्ने प्रस्ताव पारित गर्नेछ ।
चार्टर्डले गत बर्षको कमाएको एक अर्ब ३८ करोड १९ लाख रुपैयाँ खुद नाफा र जगेडा कोषमा रहेको रकम उपयोग गरी उक्त परिमाणको लाभांस वितरण गर्ने घोषणा गरेको हो ।
यस्तै सभामा अधिकृत पुँजी वृद्धि गरी ९ अर्ब रुपैयाँ पुर्याउने प्रस्ताव समेत पारित गर्ने तथा साधारण सेयरधनीका तर्फबाट प्रतिनिधित्व गर्ने एक जना सञ्चालकको निर्वाचन गर्ने कार्यक्रम रहेको छ ।
हाल बैंकको चुक्ता पूँजी चार अर्ब ५७ लाख रुपैयाँ छ । शतप्रतिशत बोनसपछि बैंकको पूँजी आठ अर्ब एक करोड नाघ्नेछ ।
बैंकले चालु आर्थिक वर्षको प्रथम त्रैमासमा ४८ करोड २५ लाख ३१ हजार रुपैया खुद नाफा आर्जन गरेर प्रतिशेयर आम्दानी वार्षिक ४८ रुपैया १८ पैसा कायम गरेको छ । बैंकको सेयरमूल्य पुस १२ गते वुधबार प्रतिकित्ता १९५५ रुपैयाँमा कारोबार भएको छ ।
