बजारमा पछिल्ला दिनमा देखिएको उतारचढावका बिच वाणिज्य बैंकहरुमा देखिएको तरलता अभावले पछिल्लो महिना सेयर बजारलाई नराम्रो प्रभाव पार्यो । यस क्रममा बजार सूचक एक सय अंक बढीले तल झर्दा सबैभन्दा धेरै अर्थात २४ प्रतिशतले सेयरमूल्य तल झरेको कम्पनी काउण्ट डाउनको पहिलो स्थानमा परेको हो ।
निरन्तर तल झर्ने क्रममा बजार परिसुचक नेप्से १३९० अंकसम्ममा झरेको थियो । त्यस पछि सुधारको बाटो समातेको बजार मंगलबार १४५६ अंक माथि चढेको थियो । एक महिनाको यो अवधिमा नेप्सेमा आएको उतारचढावको तथ्यांकलाई चित्रमा हेरौं । click on image to view in large mode.
बजार सुचकमा आएको उतारचढाव जसरी नै कम्पनीहरुको सेयरमूल्यमा पनि उतारचढाव देखिएको छ । बजार सूचक उकालो लाग्ने क्रममा पछिल्लो ४ दिनमा झण्डै ४० अंकले उकालो लागेको छ । उक्त सुधार पछि हामीले तयार गरेको डिसेम्बर ६, २०१७ देखि जनवरी ९, २०१८ सम्मको यो तथ्यांकमा धेरै सेयर मूल्य घट्ने १० कम्पनीको काउण्ट डाउन यस्तो छ ।
उल्लेखित कम्पनीहरुको सेयर मूल्यमा तिब्र गिरावट देखिने क्रममा सांग्रिला डेभलपमेण्ट बैंकको ८० प्रतिशत हकप्रद सेयर समायोजन भएको छ । त्यसै गरी मितेरी डेभलपमेण्ट बैंकको ३१.४७ प्रतिशत बोनस, मुक्तिनाथ विकास बैंकको २० प्रतिशत बोनस र लुम्बिनी जनरल इन्स्योरेन्सको १२.८२ प्रतिशत बोनस समायोजन भएको छ । अरु कम्पनीहरुको सेयर मूल्यमा कुनै किसिमको समायोजन भएको छैन ।
अधिक सेयरमूल्य घटेको हिमालयन जनरल इन्स्योरेन्स अन्तिम कारोबार मूल्य ५११ रुपैंया छ । यो सेयरमूल्य इन्स्योरेन्सले लिलाम गरेको सेयर बितरणको न्युनतम मूल्य ६३४ भन्दा धेरै तल हो । यसले लिलामीको सेयर सकार्दा पनि होस पुर्याउनु पर्ने सन्देश लगानीकर्तालाई दिएको छ ।
