सानिमाले बोनस सेयर प्राप्त गर्न सेयरधनीलाई बोनसमा लाग्ने कर वापतको रकम बुझाउन विहीबार सूचना जारी गर्दे आह्वान गरेको छ । बैंकले कर रकम सानिमा बैंकमा रहेको क्यापिटलको खाता नम्बर ००१०००१०६०७०७ मा जम्मा गर्न भनेको भनेको हो ।
सानिमा बैंकको असोज २९ गते सम्पन्न १३ औ बार्षिक साधारण सभाले १६ प्रतिशतका दरले बोनस सेयर पारित गरेको थियो । सो बोनसमा लाग्ने कर वापतको नगद लाभांशको व्यवस्था बैंकले नगर्दा बोनस पाउन सेयरधनीले थप कष्ट पाउने भएका हुन् ।
बैंकको सेयर ०७३ पुस २८ गते पश्चात खरिद गरेर बोनस पाउन योग्य सेयरधनीलाई बोनसमा लाग्ने कर सम्बन्धित सेयरधनीले नै बुझाउनु पर्नेछ । अझै पनि कतिपय बैंकहरुले बोनसमात्र वितरण गरेर बोनसमा लाग्ने कर रकम साधारण सभामा प्रस्ताव नगर्दा सेयरधनीलाई दुख हुने गरेको छ । शहरी स्थानका बसोबास गर्ने सेयरधनीलाई कर रकम बुझाउन त्यति गाह्रो नभएपनि ग्रामिण भेगका सेयरधनीहरुले भने यसबाट प्रतक्ष्य रुपमा अप्ठेरोमा पर्ने गरेको गुनासो गर्ने गरेका छन् ।
बोनसमा लाग्ने करको विवरण क्यापिटलको वेभसाइटबाट हेर्न सकिने क्यापिटलले जनाएको छ । कर रकम बैंकमा जम्मा गरिसकेपछि बैंकको शाखा कार्यालय वा क्यापिटलको कार्यालय नारायणचौर, नक्सालमा सम्पर्क राखी बोनस हितग्राही खातामा नै बोनस प्राप्त गर्न सक्नेछन् ।
बोनस सेयर वितरण गर्दा लाग्ने कर वापतको रकम जम्मा गर्नु नपर्ने सेयरधनीको बोनस भने सिडिएस एण्ड क्लियरिङ्गमा बोनस सूचीकरण पश्चात जम्मा गरिने बैंकको सेयर रजिष्ट्रार सनिमा क्यापिटलले जनाएको छ । बैंककाे बाेनस सेयर नेप्सेमा पुस २५ गते मंगलबार सूचीकृत भैसकेकाे छ ।
