बोनस पारित गर्न माघ २९ गते विहान ११ बजे बैंकको केन्द्रीय तालिम प्रतिष्ठान बोडे भक्तपुरमा ११ औ बार्षिक साधारण सभा डाकेको छ । सभामा कृषि विकास बैंकले चुक्ता पूँजी ७ अर्ब आठ करोड ७६ लाख ८० हजार रुपैयाँको २० प्रतिशत बराबरको एक अर्ब ४१ करोड ७५ लाख ३६ हजार रुपैयाँ बोनस वितरण गर्न लागेको हो ।
गत आर्थिक बर्षमा दुई अर्ब ७७ करोड ६७ लाख रुपैयाँ खुद नाफा कमाएको थियो । त्यस्तै बोनसमा लाग्ने कर प्रयोजनका लागि १.०५३ प्रतिशत नगद लाभांश (७ करोड ४६ लाख सात हजार १५८ रुपैयाँ) तथा सरकारलाई अग्राधिकार सेयर वापतको ६ प्रतिशत नगद (३२ करोड ५९ लाख ६२ हजार ७२० रुपैयाँ) लाभांश समेत वितरण गर्ने प्रस्ताव गरेको छ ।
साथै बैंकले प्रबन्धपत्र तथा नियमावली संसोधन र सञ्चालक समितिलाइ आवश्यक संसोधन गर्नका लागि अख्तियारी प्रदान गर्ने लगायतका प्रस्ताव रहेका छन् ।
हाल बैंकको साधारण सेयर ७ अर्ब ८ करोड ७६ लाख रुपैयाँ रहेको छ । २० प्रतिशत बोनसपछि बैंकको पूँजी ८ अर्ब ५० करोड ५२ लाख रुपैयाँ चुक्ता पूँजी पुग्नेछ ।