विवरणअनुसार सानिमा बैंकको नाफा रु ८२ करोड ४७ लाख पुगेको छ । गत वर्ष पुसमा ६२ करोड २४ लाख नाफा गरेको थियो । बैंकको प्रतिशेयर आम्दानी २० रूपैयाँ रहेको छ ।
सिद्धार्थ बैंकले ७७ करोड २८ लाख नाफा गरेको छ । गत वर्षको ६ महिनामा बैंकले ७२ करोड ६० लाख नाफा गरेको थियो । बैंकको खराब कर्जा १.५० प्रतिशत छ भने प्रति शेयर आम्दानी २२ रूपैयाँ रहेको बैंकले जानकारी दिएको छ ।
त्यस्तै सिटिजन्स बैंकले चालू आवको ६ महिनामा ६२ करोड ८६ लाख नाफा गरेको छ । गत वर्ष बैंकले ६३ करोड १६ लाख नाफा गरेको थियो । बैंकको खराब कर्जा १.९४ प्रतिशत छ भने प्रतिशेयर आम्दानीर १५ रूपैयाँ रहेको छ ।