सेयर शिक्षाका रुपमा केन्द्रिय निक्षेप प्रणालीले सी आस्वाको प्रयोगका सम्बन्धमा भिडियो समग्री तयार पार्नु पर्ने हो । तर त्यस्तो हुन सकेको छैन ।
सी आस्वामा एक पटक दर्ता भइसकेका लगानीकर्ताले घरमै बसेर इन्टरनेटको माध्यमबाट खरिद आवेदन दिन सक्नेछन । अहिले आस्वाबाट सेयर आवेदन गर्दा प्रत्येक पटक फारम भर्नु पर्नेमा सीआस्वामा पहिलो एक पटक मात्र विबरण भर्दा हुन्छ । दोस्रो पटकदेखि आवेदन गर्ने सेयरको विबरण मात्र भर्नु पर्ने हुन्छ ।
त्यस्तै बैंक तथा वित्तीय संस्थामा प्राप्त भएका आवेदन सम्बन्धि विवरण बिक्री प्रबन्धकलाई सफ्टवेयर मार्फत सोझै प्राप्त हुने हुँदा बाँडफाँडको प्रक्रिया समेत छोटिने सिडिएसीको भनाई छ । हालसम्म सी आस्वा प्रणालीमा २५ वटा बैंक तथा वित्तिय संस्थाहरु आवद्ध रहेका छन् । सिडिएसले सदस्यता नलिएका बैंक तथा वित्तिय संस्थाहरुलाई सी आस्वामा आवद्ध हुन अनुरोध समेत गरेको छ ।
त्यस्तै सिडिएसले लगानीकर्तालाई पनि आफ्नो बैंक खाता रहेको बैंक मार्फत सी आस्वामा दर्ताभई सी आस्वा रजिष्ट्रेशन नम्बर लिन आग्रह समेत गरेको छ ।
यहाँ सिडिएससीको सदस्य सिद्धार्थ क्यापिटलले तयार पारेको भिडियो सामग्रीलाई प्रस्तुत गरिएको छ । जहाँ सि आस्वाबाट साधारण सेयर, हकप्रद तथा थप नयाँ सेयर कसरी आवेदन गर्ने ? प्रष्ट पार्न खोजिएको छ । सबै निक्षेप सदस्यले एकै किसिमले सेवा प्रदान गर्ने भएको हुँदा सी आस्वा लग इन गर्ने समयमा मात्र आफ्नो आफ्नो निक्षेप सदस्यको वेबसाइटमा जानु पर्ने हुन्छ ।
अहिले आस्वाबाट सेयर आवेदन गर्दा प्रत्येक पटक फारम भर्नु पर्नेमा सीआस्वामा पहिलो एक पटक मात्र विबरण भर्दा हुन्छ । दोस्रो पटकदेखि आवेदन गर्दा सेयरको विबरण मात्र भर्नु पर्ने हुन्छ ।
हेर्नुहोस् यो भिडियो ।
