समिक्षा अवधिमा बैंकले विदेशी मुद्रा सटहीमा मात्र दुई लाख ३२ हजार नोक्सानी व्यहारेको छ । व्याज खर्च १७ करोडबाट झण्डै तीन गुणाा ४७ करोड पुगेको छ भने निष्कृय कर्जा अनुपात २.५६ प्रतिशतमा उक्लिएको छ । बैंकले यस समयमा कुनै राइट व्याक गरेको छैन ।
समिक्षा अवधिमा बैंकले १४ करोड ६ लाख खुद नाफा बढाएको छ । यो नाफा गत आर्थिक बर्षको यसै अवधिको तुलनामा तीन लाख मात्र बढी हो । निक्षेप संकलन चार अर्ब ४३ करोडले बढाएर १३ अर्ब ५० करोड पुर्याएको छ । यस अवधिमा बैंकको कर्जा विस्तार समेत तीन अर्ब ८५ करोडले बढेर ११ अर्ब ८८ करोड पुगेको छ ।
बैंकले आफ्नो खुद व्याज आम्दानी २० प्रतिशतले बढाएर ३१ करोड ४८ लाख पुर्याएको छ । यद्यपि बैंकका कोषको लागत तीन प्रतिशतले बढेर ८.३६ प्रतिशत पुग्दा आधार व्याजदरमा समेत सोही प्रतिशत बढेर ११.५३ प्रतिशतमा पुगेको छ ।
साझा विकास बैंक र युनियन फाइनान्सलाई समाहित गरेर एक अर्ब ६३ करोड चुक्ता पूँजी कायम गरेको बैंकले ४० प्रतिशत हकप्रद विक्री गर्ने प्रकृया अगाडि बढाएकाे छ । बाँकी रकम बैंकले बोनसबाट कायम गर्नेछ ।
जगेडा कोषको रकम ४२ करोडबाट ६० करोड पुगेपछि बैंकको प्रतिसेयर नेटवर्थ १३६ रुपैयाँ ७९ पैसा कायम भएको छ । त्यस्तै बैंकको प्रतिसेयर आम्दानी १७ रुपैयाँ २३ पैसा, कर्जा निक्षेप अनुपात ७६.३५ प्रतिशत र मूल्य आम्दानी अनुपात १०.२७ गुणा मात्र बढी रहेको छ ।