अकोला जिल्लाको उपभोक्ता अदालतले बैंकलाई गल्तीवश काटिएको पाँच हजार रुपैयाँ पीडित प्रदीप शित्रको खातमा फिर्ता गर्नुका साथै खातावालालाई कानुनी लागतका रुपमा थप दुई हजार रुपैयाँ भुक्तान गर्न समेत निर्देशन दिएको छ ।
पीडित प्रदीप शित्रले गत सेप्टेम्बर २०१७ मा बैकको उजुरी लिएर उपभोक्ता अदालतमा न्यायका लागि पुगेका थिए । त्यही बर्षको जनवरीमा आफूले एटीएमबाट नगद निकाल्दा नआएको तर बैकले आफ्नो खाताबाट पाँच हजार रुपैयाँ पैसा काटेको उनको गुनासो थियो ।
उनले यस मामलाका बारेमा बैंकसँग कुरा राखे उनलाई पैसा फिर्ता मिल्ने आश्वासन दिइएको थियो । तर उनले आफू बैंक धाइराखेको तर पैसा कहिल्यै पनि नमिलेकाले आफू जिल्ला फोरममा सहयोगका लागि जान बाध्य भएको बताएका छन् ।
बैंकलाई बारम्बार सूचना प्रकाशित गरेर सीसीटीभी फुटेज निकाल्न आग्रह गर्दा बैंकले त्यसमा कुनै वास्ता नगरेको र कुनै निर्णय पनि लिइरहेको थिएन । जवाफमा एसबीआईका तर्फबाट कोही पनि उपस्थित नभएपछि यसै हप्ता पीडितका पक्षमा एकतर्फी निर्णय भएको हो । जिल्ला उपभोक्ता फोरमका तर्फबाट अध्यक्ष एस एम अन्टवले र सदस्य भारतीय केतकरको अध्यक्षतामा यसै हप्ता अभियोक्ताका पक्षामा एकतर्फी निर्णय गरिएको थियो । एउटा एटीएमबाट पाँच हजार रुपैयाँ निकाल्दा नआएपछि खातावालाले अर्को एटीएमबाट फेरी पाँच हजार निकालेका थिए ।
तर उनको खाताबाट १० हजार रुपैयाँ निकालिएको म्यासेज आएपछि पीडित प्रदीप शित्रले उजुरी गर्न बैक पुगेका थिए । तर बैक अनुत्तरदायी भएपछि उनी उपभोक्ता अदालत पुगेका थिए ।
त्यसपछि अदालतले एकपक्षीय रुपमा बैंकले गल्तीले काटिएको पाँच हजार रुपैयाँ फिर्ता दिनका लागि निर्देशन दिएको हो । साथै तीन हजार रुपैयाँ क्षतिपूर्ति स्वरुप र दुई हजार रुपैयाँ कानुनी लागत स्वरुप खातावालालाई उपलब्ध गराउनका लागि आदेश दिएको छ ।