एनसीसीले गत बर्षको यसै अवधिमा ७ करोड ७६ लाख रुपैयाँ खुद नाफा कमाएको बैंकको नाफा २७ करोड ६९ लाखले बढेर ३५ करोड ४५ लाख रुपैयाँ पुगेको हो । बैंकले तीन अर्ब ९ करोड व्याज आम्दानी गरेपनि दुई अर्ब ५१ करोड व्याज खर्च नै भएपछि खुद व्याज आम्दानी ५८ करोड ७४ लाखमा झरेको छ । गत बर्ष बैंकको खुद व्याज आम्दानी एक अर्ब तीन करोड थियो ।
चार विकास बैंकलाई आफुमा समाहित गरेको बैंकले यस अवधिमा ५८ अर्ब ९१ करोड ३५ लाख रुपैयाँ निक्षेप संकलन गरेको छ भने कर्जा लगानी ५१ अर्ब ४१ करोड ८५ लाख रुपैयाँ पुर्याएको छ । बैंकको निक्षेप र कर्जा परिचालन तीन अर्बले मात्र बढेको छ ।
अर्कोतर्फ बैंकको जोखिम व्यवस्थापन कोष ६५ करोड ३७ लाखबाट १४ करोड झरेपछि पनि बैंकलाई थोरै रकम व्यवस्था गर्दा पुगेको देखिन्छ । शूल्क तथा कमिशन, अन्य सञ्चालन आम्दानी, र विदेशी मुद्राबाट हुने कमाई सामान्य बढेको छ । कर्मचारी खर्च तीन करोड ७१ लाख बढेर २८ करोड ८४ लाख पुगेको छ भने अन्य सञ्चालन खर्च भने दुई करोड ९१ लाखले कटौती गरेको छ ।
चुक्ता पूँजी चार अर्ब ६७ करोड नै रहेपछि बैंकको प्रतिसेयर आम्दानीमा सुधार आएर १५ रुपैयाँ १५ पैसा कायम भएको छ । तर बैंकले वित्तीय विवरणमा १० रुपैयाँ २४ पैसा प्रतिसेयर आम्दानी र प्रतिसेयर नेटवर्थ १६२ रुपैयाँ २९ पैसा रहेको उल्लेख गरेको छ ।
५० प्रतिशत हकप्रद सेयर बिक्री तथा बोनसबाट न्यूनतम चुक्ता पूँजी कायम गर्ने बैंकको योजना छ । समीक्षा अवधिमा बैंकको खराब कर्जा अनुपातमा केही सुधार भएपनि अझै ४.०४ प्रतिशत रहेको छ ।
बैंकको कर्जा निक्षेप अनुपात ७६.४८, आधार व्याजदर ११.४५, निक्षेप लागत ८.१९ प्रतिशत रहेको छ भने पूँजी कोष अनुपात ११.२४ मा झरेकाले बढाउनुपर्ने बाध्यता रहेको छ ।