कम्पनीको धितोपत्र निष्कासन तथा बिक्री प्रबन्धक एनआईबिएल क्यापिटल मार्केट्स लिमिटेड रहेको छ । फाइनान्सले ५० प्रतिशत हकप्रद जारी गर्न पुस ४ गते सेयरधनी किताब बन्द गरेको थियो । यस अनुसार पुस ३ गतेसम्म कायम सेयरधनीले मात्र आवेदन दिन पाउनेछन् ।
शेयरधनीहरुले विक्री प्रबन्धकका साथमा सेन्ट्रल फाइनान्सका सम्पूर्ण शाखा कार्यालय, नेपाल इन्भेष्टमेन्ट बैंकका विराटनगर, विरगन्ज, नेपालगञ्ज, इटहरी र धनगढी शाखा कार्यालय र आस्बा सदस्य कम्पनी तथा वित्तीय संस्थाहरु र तिनका शाखा कार्यालयबाट आवेदन दिन सक्नेछन् ।
हाल कम्पनीको चुक्तापूँजी ५२ करोड ६ लाख रुपैयाँ छ । हकप्रद निष्कासन तथा बाँडफाँड पश्चात कम्पनीको चुक्ता पूँजी ७८ करोड ९ लाख रुपैयाँ पुग्नेछ ।
गत आर्थिक बर्षको नाफाबाट बोनस वितरण गरि राष्ट्र बैंकले तोकेको न्यूनतम चुक्ता पूँजी पुग्नेछ ।
फाइनान्सले यस अवधिमा दुई अर्ब ७४ करोड रुपैयाँ निक्षेप संकलन गरि दुई अर्ब ५३ करोड रुपैयाँ कर्जा लगानी गरेको छ ।
संस्थाले काठमाडौको चावहिल, भक्तपुरको च्यामासिंह, नवलपरासीको बर्दघाट,र महोत्तरीको बर्दिबासमा शाखा सञ्चालनमा रहेका छन् ।