आवेदक संख्या एक लाख ८९ हजार पुगेकाले सात जनामा एक जना (१४%) ले मात्र लघुवित्तको सेयर प्राप्त गर्ने देखिएको छ ।
धितोपत्र बोर्डको नयाँ व्यवस्था अनुसार गोलाप्रथाबाट १० कित्ता बाँडफाँड गर्दा २७ हजार ४८ जनाले सेयर प्राप्त गर्नेछन् । लघुवित्तको आईपिओमा आवेदन गर्ने बाँकी एक लाख ६१ हजार जनाको हात भने खाली हुनेछ ।
माइक्रोफाइनान्सले जारी पूँजीको ४९ प्रतिशत (२ लाख ९४ हजार कित्ता) आईपिओ निष्काशन गरेको हो । यसमध्ये ८ हजार ८२० कित्ता सेयर कर्मचारी र १४ हजार ७०० कित्ता म्युचुअल फण्डलाई छुट्याएर बाँकी २ लाख ७० हजार ४८० कित्ता सेयर २७ हजार ४८ जना सर्वसाधारणलाई गोलाप्रथाबाट बाँडफाँड हुनेछ ।
यसअघि निष्काशनमा अाएका अन्य लघुवित्तहरूकाे अाइपिअाे ६/७ प्रतिशतले मात्र सेयर पाउने गरेपनि यस लघुवित्तकाे सेयर भने दाेब्बर अर्थात १४ प्रतिशतले पाउने देखिएकाे हाे ।
आईपिओमा परेको माग आवेदन रकमकाे आधारमा ४४.७४ गुणा बढी हो । कमर्चारी र सामुहिक लगानी कोषलाई छुट्टाएर बाँकी रहेको दुई करोड ७० लाख ४८ हजार रुपैयाँको सेयर सर्वसाधारणलाई निष्काशन गरेकोमा एक अर्ब २१ करोडको आवेदन परेकोले सो तथ्याङ्क देखिएको हो ।
काभ्रेपलाञ्चाेक जिल्लामा केन्द्रीय कार्यालय रहेर पन्ध्र पहाडी जिल्लामा वित्तीय सेवा प्रदान गर्दे आइरहेको आरम्भको आइपिओ बिक्रीपछि चुक्ता पूँजी ६ करोड रुपैयाँ पुग्नेछ ।