यस अघि कम्पनीको सेयर कारोबार केएमबिएसएल (KMBSL) कोडबाट हुँदै आएको थियो ।
कुबेर मर्चेन्ट फाइनान्सको ११ औ बार्षिक साधारणसभाले ६० प्रतिशत सेयर हिस्सा दिएर नयाँ लगानीकर्ता भित्र्याउने निर्णय गरेको थियो । सोही साधारणसभाले कम्पनीको नाम परिर्वतन गरेर सिटी एक्सप्रेस इन्टरनेशनल फाइनान्स लिमिटेड राख्ने निर्णय पारित गरेको थियो ।
नयाँ लगानीकर्ता भित्रयाएपछि गत मंसिरमा राष्ट्र बैंकले कम्पनीलाई शर्त सहित समस्याग्रस्तबाट फुकुवा गरेको थियो । कम्पनीमा सिटी एक्सप्रेस निकट केही व्यवसायी, गैर आवासीय नेपाली तथा वैदेशिक रोजगार व्यवसायीको लगानी थपेका हुन् ।
राष्ट्र बैंकले सञ्चालक तथा ब्यवस्थापकहरुले ऋणको चरम दूरुपयोग गरेर संस्थालाई धरासायी बनाएको भन्दै २०६९ पुसमा कुवेरलाई समस्याग्रस्त घोषणा गरेको थियो ।
कम्पनी समस्याग्रस्त संस्थाबाट मुक्त भएपश्चात नयाँ व्यवस्थापन, नयाँ सञ्चालक समिति र नयाँ नामबाट कार्य अगाडि बढाईएको प्रमुख कार्यकारी अधिकृत गोपाल घिमिरेले जानकारी दिए । उनले आगामी असारसम्म कम्पनीको चुक्तापूँजी ४० करोड पुर्याउने योजना रहेको बताए ।
२० करोड पूँजीमा एक बराबर एक हकप्रद निष्कासन गर्ने प्रयोजन अनुसार संस्थापकहरुको कल ईन एडभान्स सहित चुक्ता पूँजी २८ करोड पुगेको घिमिरेले बताए । अब साधारण सेयरधनीलाई शतप्रतिशत हकप्रद बिक्री गरेर चुक्तापूँजी ४० करोड पुर्याउछौ, घिमिरेले भने ।
त्यसपछि थप ४० करोड कसरी पुर्याउने अर्को साधारणसभा बाट तय हुनेछ । पूँजी वृद्धिका लागि मर्जर तथा एक्विजिशन र राईटको विकल्प रहेको उनको भनाई छ ।
राष्ट्र बैंकको निर्देशन अनुसार यो कम्पनीले ०७६ मंसिरसम्ममा राष्ट्र बैंकले तोकको चुक्तापूँजी पुर्याउनु पर्नेछ । राष्ट्रिय स्तरको फाइनान्स कम्पनीले ८० करोड रुपैयाँ न्युनतम चुक्ता पुँजी पुर्याउनुपर्ने हुन्छ ।
फाइनान्सले चालू आवको दोस्रो त्रैमासिक अवधिमा एक करोड ४१ लाख सञ्चालन नोक्सानी व्यहोरेपनि झण्डै चार करोड खराब कर्जा असुलीबाट कम्पनीलाई दुई करोड ८२ लाख नाफामा पुर्याएको छ ।
दोस्रो त्रैमासको वित्तीय विवरण अनुसार २८ करोड चुक्ता पूँजी रहेको कम्पनीको २२ करोड ४६ लाख जगेडा कोष नोक्सानीमा छ । कम्पनीको प्रतिसेयर आम्दानी३७ रुपैयाँ ७१ पैसा,नेटवर्थ ३७ रुपैयाँ छ । हाल यो कम्पनीको दोस्रो बजारमा प्रतिकित्ता सेयमूल्य १८६ रुपैयाँ छ ।
