कम्पनीले गत भदौ २७ गतेदेखि कात्तिक १४ गतेसम्म शतप्रतिशत हकप्रद विक्री गर्दा एक लाख ७ हजार ४० कित्ता संस्थापक र एक लाख ८३ हजार १९६ कित्ता सेयर विक्री भएको थिएन ।
अवितरित सेयर गत पुस ४ देखि १२ गतेसम्म लिलामी गर्दा एक सय कित्ता संस्थापक र एक लाख ८१ हजार ९९५ कित्ता साधारण लिलामी मार्फत विक्री भएको थियो । विक्री नभएकाे बाँकी सेयर कम्पनीले फेरी लिलामीमा ल्याएको हो ।
लिलामीमा कम्पनीको सेयर विक्री प्रबन्धक ग्लोबल आइएमई क्यापिटल तथा ग्लोबल आइएमई बैंकको शाखा कार्यालय वीरगञ्ज, बिराटनगर, पोखरा, बुटवल, नेपालगञ्ज सुर्खेत र धनगढीबाट चैत्र १८ गतेसम्म शिलबन्दी बोलपत्र पेश गर्नसक्ने ब्यवस्था छ ।
लिलामीमा न्यूनतम एक सय कित्ता देखी लिलामीमा आएको सबै सेयरको लागी आवेदन गर्न सकिनेछ । दश लाख भन्दा बढी रकम आबेदन गर्ने लगानीकर्ताले अनिर्वाय आफ्नो प्यान नं. उल्लेख गरि बोलपत्र पेश गर्नुपर्नेछ ।
बोलपत्र खुला गरिने समय र स्थान सबै संकलन केन्द्रबाट बोलपत्र प्राप्त भएपछि सूचना प्रकाशन गरि जानकारी दिने विक्री प्रबन्धकले जनाएको छ ।