बार्षिक साधारण सभाको लागि बुक क्लोज गरेको दिन असोज २८ गतेसम्म सेयर डिम्याट गरेका सेयरधनीको बोनस भने सूचीकृत भएपश्चात सिधै डिम्याट खातामा नै जम्मा गरिने कम्पनीले बताएको छ । भौतीक सेयर प्रमाणपत्र भएका सेयरधनीले बोनस पाउन अनिवार्य डिम्याट गराउनुपर्ने कम्पनीले उल्लेख गरेको छ ।
बुक क्लोज भन्दापछि सेयर डिम्याट गरेका वा हालसम्म डिम्याट नगरेका लगानीकर्ताले भने तोकिएको ढाँचामा निवेदन पेश गर्नुपर्ने सास्ती थपिएको हाे । यसरी निवेदन दिँदा कम्पनीको वेभसाईटमा रहेको ढाँचा डाउनलोड गरेर सेयरधनीको नाम, सेयरधनी नम्बर, निक्षेप सदस्यको नाम, हितग्राही खाता नम्बर, र हस्ताक्षर सहितको निवेदन पेश गर्नुपर्नेछ ।
२०७२ पुससम्म धितोपत्र बजारमा भौतिक तथा अभौतिक दुबै सेयरको कारोवार भइरहेको थियो । धितोपत्रको दोश्रो बजारलार्ई र्पूण स्वचालित बनाउने उद्देश्यले बोडले नेप्से र सिडिएसलाई निर्देशन दिएपछि त्यस यता अभौतिक सेयरको मात्र खरिद बिक्री हुँदै आएको छ ।
२०७३ साउनबाट प्राथमिक निष्काशनमा अनिवार्य डिम्याट लागू गरेको धितोपत्र बोर्डले गत साउन देखि अनिवार्य आस्वा प्रणली लागू गरेको हो । कात्तिक यता हकप्रद आवेदन समेत आस्वा प्रणाली मार्फत आवेदन गर्न सक्ने व्यवस्था गरेको बोर्डले फागुन ११ गतेदेखि अनिवार्य सि आस्वा प्रणाली लागू गरिसकेको छ ।