कम्पनीले दश सेयर बराबर २४ कित्ता सेयर बिक्री गर्ने जनाएको छ । कम्पनीले प्रस्ताव गरेको हकप्रद नियमनकारी निकायबाट स्वीकृत भएपश्चात कम्पनीको आगामीको साधारणसभाले पारित गरेपछि मात्र बिक्रीमा आउनेछ ।
हाल कम्पनीको चुक्तापूँजी ३० करोड २४ लाख छ । हकप्रद बिक्रीपछि कम्पनीको चुक्ता पूँजी एक अर्ब २ करोड ८१ लाख ६० हजार रुपैयाँ पुग्नेछ ।
चालु आर्थिक वर्षको दोस्रो त्रैमासको वित्तीय विवरण अनुसार कम्पनीको जगेडा कोष चार करोड ९० लाख ८५ हजार रुपैयाँ ऋणात्मक छ । उक्त अवधिमा कम्पनीले चार करोड ६ लाख रुपैयाँ नाफा आर्जन गरेको छ ।
त्यस्तै ६ महिना अवधिमा कम्पनीले १७ करोड ३७ लाख ७५ हजार रुपैयाँ खुद बीमा शुल्क आर्जन गरेको जुन गत बर्षको तुलनामा दुई करोड ४६ लाख रुपैयाँ कम हो । त्यस्तै कूल बीमा शूल्क ६ करोड ६३ लाख रुपैयाँ घटेर २६ करोड ९७ लाख रुपैयाँमा सीमित भएको छ । कम्पनीको जारी बीमालेख संख्या ३५ हजार ६६४ रहेको छ ।
३० करोड २४ लाख रुपैयाँ चुक्ता पूँजी रहेको कम्पनीको प्रतिसेयर आम्दानी बार्षिक २६ रुपैयाँ ८८ पैसा रहेको छ । उसको बीमा कोषमा १९ करोड ५४ लाख रुपैयाँ तथा महाविपत्ती जगेडा कोषमा ६९ लाख १४ हजार रुपैयाँ सञ्चित रहेको देखिन्छ ।
