सञ्चालन मुनाफा घटेपनि खराब कर्जा संकलन गर्न सफल भएपछि कम्पनीको नाफा बढ्न पुगेको हो । तर कम्पनीको सम्भावित जोखिम व्यवस्थापनको खर्च भने अत्याधिक बढेको छ । लघुवित्तले उक्त शिर्षकमा चार करोड ९० लाख राखेको छ ।
कम्पनीको चुक्ता पूँजी ११ करोड छ भने जगेडा कोषमा ३ करोड ७६ लाख राखेको छ । कम्पनीको निक्षेप १०४.१५ प्रतिशत र कर्जा तथा सापटी ६८.४४ प्रतिशतले बढेको छ ।
त्यसैगरी, कम्पनीको खुद ब्याज आम्दानी १८.९८ प्रतिशत बढेको छ । कम्पनीको सञ्चालन मुनाफा भने ८३.५९ प्रतिशले घटेको छ । सो अवधिमा कम्पनीको निष्क्रिय कर्जा १.५१ प्रतिशत र सिडि रेशियो ९२.७७ प्रतिशत रहेको छ ।
