चालू आवको ९ महिना अवधिमा लघुवित्तले ६ करोड रुपैयाँ खुद नाफा कमाएर प्रतिसेयर आम्दानी ६६ रुपैयाँ ५८ पैसा कायम गरेको छ । कम्पनीले गत बर्ष १० करोड ३२ लाख खुद ब्याज आम्दानी गरेकोमा अहिले १२ करोड १३ लाख गरेको छ ।
लघुवित्तको निष्कृय कर्जा अनुपात भने ह्वात्तै बढेको छ । गत आवको तेस्रो त्रैमासमा ०.५६ प्रतिशत रहेको खराब कर्जा बढेर १.३० प्रतिशत पुगेको छ । जसले कम्पनीलाई थप एक करोड रुपैयाँ सम्भावित कर्जा जोखिम कोषमा व्यवस्था गर्नुपरेको छ । गत बर्ष कम्पनीले ५३ लाख मात्र व्यवस्था गरेको थियो ।
लघुवित्तको कर्मचारी खर्च एक करोड ६२ लाख बढेर चार करोड ८२ लाख पुगेको छ जसलाई कटौती गर्न सकेमा बैंकको नाफा थप बढ्ने देखिन्छ ।
लघुवित्तले ६० करोड ८२ लाख निक्षेप संकलन गरि दुई अर्ब २२ करोडको कर्जा प्रवाह गरेको छ । कम्पनीको ब्याज आम्दानी १० करोडले बढ्दा ब्याज खर्च ८ करोडले बढेको छ । निक्षेप लागत ५.९९ प्रतिशतबाट ९.३१ प्रतिशतमा बढेको छ ।
पूँजी कोष अनुपात २ प्रतिशतले कमी आए।र १२.१६ रहेको कम्पनीको तरलता अनुपात १२.१२ प्रतिशत रहेको देखिन्छ । प्रतिसेयर नेटवर्थ २२० रुपैयाँ ७६ पैसा रहेको छ ।
