यस अवधिमा फाइनान्सले एक अर्ब ६ करोड १५ लाख रुपैयाँ निक्षेप संकलन गरेर एक अर्ब ११ करोड ८० लाख रुपैयाँ कर्जा प्रवाह गरेको छ । गत बर्ष फाइनान्सले एक अर्ब १४ करोड ५ लाख रुपैयाँ निक्षेप संकलन गरि ९ करोड ९७ लाख कर्जा लगानी गरेको थियो ।
फाइनान्सको खुद व्याज आम्दानी भने गत बर्षको तुलनामा १४ लाख ४५ हजारले सुधार आई ४ करोड ५५ लाख आर्जन गरेको देखिन्छ । यद्यपि कम्पनीकाे खर्च र नाेक्सानी व्यवस्थापन गर्न पनि अाम्दानीले नपुगेकाे देखिन्छ ।
कम्पनीको आम्दानी घटेको छ भने निष्कृय कर्जा अनुपात (५.५४ प्रतिशत) राष्ट्र बैंकले तोकेको सीमा नाघ्दा कर्जा नोक्सानी वापत २ करोड ७९ लाख व्यवस्था गरेको छ जसले कम्पनी साढे १३ लाख सञ्चालन नोक्सानीमा पुगेको छ । फार्इनान्सले कुनै खराब कर्जा उठाउन सकेको छैन ।
अन्य सञ्चालन आम्दानी वापत फाइनान्सले २८ लाख र यस अघिको कर बापत झण्डै ४० लाख रुपैयाँ मिलान गरेर नाफामा जोडपछि मात्र कम्पनी ५३ लाख रुपैयाँ खुद नाफा आर्जन गर्न सफल भएको देखिन्छ।
जेबिल्स फाइनान्स कम्पनीले ९ महिना अवधिमा ५३ लाख ३४ हजार रुपैयाँ मात्र खुद नाफा आर्जन गरेको छ । गत बर्षको यसै अवधिमा कम्पनीले एक करोड ९४ लाख रुपैयाँ खुद नाफा आर्जन गरेको थियो । कम्पनीले ५ करोड ३० लाख रुपैयाँ जगेडा कोषमा जम्मा गरेको छ ।
निक्षेप लागत १० प्रतिशत बढी खर्चिएपछि कम्पनीको आधार ब्याजदर १४ प्रतिशत बढी देखिन्छ जसले फाइनान्सबाट ऋण लिन ऋणीले चर्को ब्याजदर तिर्नुपर्ने देखिन्छ ।
