एकीकृत बैंकको चुक्ता पूँजी ९ अर्ब ४७ लाख रुपैयाँ पुगेको छ भने बैंकको जगेडा कोष बढेर ८ अर्ब ३० करोड ५६ लाख रुपैयाँ सञ्चित भएको छ ।
बैंकको कुल सम्पति १ खर्ब ८२ अर्ब ८५ करोड ५७ लाख तथा निक्षेप एक खर्ब ५४ अर्ब १७ करोड र कर्जा परिचालन एक खर्ब १५ अर्ब ७३ करोड रुपैयाँ पुगेको राष्ट्रिय वाणिज्य बैंकका प्रमुख कार्यकारी अधिकृत किरण कुमार श्रेष्ठले जानकारी दिए ।
बैंकको खुद नाफा तीन अर्ब १२ करोड ६४ लाख पुगेको छ भने मर्जर पश्चात बैंकको शाखा कार्यालय ९१ पुगेका छन् ।
देशमा औद्योगिक विकास गर्ने उद्देश्यले २०१६ सालमा एन.आई डि.सी र आर्थिक, सामाजिक क्षेत्रमा योगदान पु¥याउने उद्देश्यले राष्ट्रिय वाणिज्य २०२२ सालमा स्थापना भएका थिए ।
नेपाल सरकारले २०७३ माघ १४ गते एन.आई.डिसीलाई राष्ट्रिय वाणिज्य बैंकमा गाभ्ने निर्णय गरेपछि दुई बैंकका ३/३ जना प्रतिनिधि रहने गरि निर्मलहरि अधिकारीको संयोजकत्वमा फागुन ६ गते संयुक्त मर्जर समिति गठन भएको थियो । सो समितिको कार्यले बुधबार पूर्णता पाएको छ।