महालक्ष्मी विकास बैँकका प्रमुख कार्यकारी अधिकृत कृष्णराज लामिछाने र सिटिजन लाइफ इन्स्योरेन्सका प्रमुख कार्यकारी अधिकृत पोषकराज पौडेलले एक समारोह बीच बैशाख २७ गते सम्झौतामा हस्ताक्षर गरे ।
सम्झौता अनुसार ग्राहकहरुले महालक्ष्मी विकास बैंकबाट सिटिजन लाइफको जीबन बीमा लेख प्राप्त गर्न, प्रिमियम भुक्तानी गर्न, दाबी भुक्तानी लगायत सम्पूर्ण जीवन बीमा सेवा प्राप्त गर्न सक्नेछन् ।
२ अर्ब ६३ करोड चुक्ता पुँजी रहेको बैंकले चैत्र मसान्तसम्म २५ अर्ब ११ करोड निक्षेप संकलन गरी २१ अर्ब ६४ करोड रुपैयाँ कर्जा प्रवाह गरेको जनाएको छ ।
देशका शहरी तथा ग्रामीण क्षेत्रमा विभिन्न स्थानहरुमा ७१ वटा शाखा तथा ३५ वटा एटिएमहरुमार्फत सेवा प्रदान गरिरहेको महालक्ष्मी विकास बैंकको ग्राहक संख्या ३ लाख ९० हजार भन्दा बढिरहेको छ ।
