वोमी माइक्रोफाइनान्सको ३० प्रतिशत हकप्रद बिक्री खुल्याे

May 30, 2018 Merolagani

वोमी माइक्रोफाइनान्स(WOMI) को ३० प्रतिशत हकप्रद बुधबारदेखि निष्काशन भएको छ । कम्पनीले १० बराबर तीन कित्ता अनुपातमा दुई लाख ३३ हजार ३८० कित्ता हकप्रद बिक्री खुल्ला गरेको हो ।

जेठ ३ गतेसम्म कायम रहेका माईक्रोफाइनान्सका सेयरधनीले यस हकप्रदमा असार १९ गते सम्म आवेदन गर्न सक्नेछन् । हकप्रदमा नेपाल धितोपत्र बोर्डबाट आस्वा अनुमति लिएका बैंक तथा वित्तीय संस्थाहरुबाट सी–आस्वा प्रणाली मार्फत सेयरधनीले आवेदन दिन सक्नेछन् । 

त्यसैगरि कम्पनीको सेयर निष्काशन तथा बिक्री प्रबन्धकमा सिद्धार्थ क्यापिटल नक्साल, वोमी माइक्रोफाइनान्सको कार्यालय खानिखोला धादिङ, तथा यसका सम्पूर्ण शाखा कार्यालयबाट समेत हकप्रदमा आवेदन दिन सकिने जनाइएको छ ।

चालू आर्थिक बर्षको तेश्रो त्रैमासका लघुवित्तले दुई करोड ९५ लाख रुपैयाँ खुद नाफा कमाएर प्रतिसेयर आम्दानी ५० रुपैयाँ ६० पैसा कायम गरेको छ । बुधबार कम्पनीको प्रतिकित्ता सेयरमूल्य १५२८ रुपैयाँ हाराहारीमा कारोबार भएको छ ।

comments powered by Disqus

हरेक नेपालीलार्इ शेयरधनी बनाउन ३५०० मेगावाटका आयोजना निर्माण गर्दै सरकार

Sep 25, 2018

सरकारले हरेक नेपाली नागरिकलाई जलविद्युत् आयोजनाको शेयरधनी बनाउने लक्ष्यका साथ तीन हजार ५०० मेगावाट क्षमताका जलविद्युत् आयोजना निर्माणको प्रक्रिया शुरु गर्ने भएको छ।‘नेपालको पानी, जनताको लगानी’ मूल नाराका साथ सबै नेपालीलाई लगानीकर्ता बनाउने र दीर्घकालीन रूपमा आर्थिक उपार्जनको माध्यम बनाउने लक्ष्यका साथ उक्त अवधारणा अगाडि सारिएको हो।