नेपाल बैंक एफपिओ निष्काशनको प्रस्ताव लिएर पुग्यो धितोपत्र बोर्ड

May 31, 2018 Merolagani

नेपाल बैंक लिमिटेड (NBL) ले थप सार्वजनिक निष्काशन (एफपिओ ) निष्काशनको प्रस्ताव लिएर धितोपत्रबोर्डमा आवेदन गरेको छ । बैंकले एक सय रुपैयाँ अंकित मूल्यमा १८० रुपैयाँ प्रिमियम थपेर प्रतिकित्ता २८० रुपैयाँ एफपिओ निष्काशन गर्ने प्रस्ताव गरेको छ ।

बैंकले प्रस्ताव गरेको मूल्यमा नियामक नेपाल धितोपत्र बोर्डले एफपिओ निष्काशन गर्न अनुमति दिए मात्र उक्त मूल्यमा एफपिओ बिक्रीमा आउनेछ । बैंकले प्रस्ताव गरेको मूल्यमा बोर्डले पुर्नरविचार पनि गर्न सक्छ ।

बैंकले गत साधारणसभा बाट एक अर्ब ७६ करोड ८४ लाख रुपैयाँ बराबरको एक करोड ७६ लाख ८४ हजार कित्ता एफपिओ निष्काशन गर्ने प्रस्ताव पारित गरेको थियो ।
बैंकको एफपिओ निष्काशन तथा बिक्री प्रबन्धकको काम सिद्धार्थ क्यापिटलले गर्ने भएको छ । त्यस्तै १० वटा क्यापिटलले बैंकले निष्काशन गर्ने एफपीओको सबै शेयरको प्रत्याभुति( अन्डरराईटिड.) गर्ने भएका छन् ।

बैंकको हालको चुक्ता पूँजी ८ अर्ब ४ करोड रुपैयाँ रहेको छ । एफपिओ निष्काशनपछि बैंकको चुक्ता पूँजी ९ अर्ब ८१ करोड पुग्ने छ। त्यस्तै प्रिमियम रकम जगेडा कोषमा थपिनेछ ।

हाल बैंकमा नेपाल सरकारको ६२.२१ प्रतिशत र सर्वसाधारणको ३७.७९ प्रतिशत शेयर स्वामित्व रहेको छ । एफपिओ निष्काशनपछि बैंकमा सरकारी स्वामित्व ५१ प्रतिशतमा कायम हुनेछ ।

चालु आर्थिक वर्षको तेस्रो त्रैमासमा नेपाल बैंकले २ अर्ब ५६ करोड रुपैयाँ खुद नाफा कमाएको छ। बैंकको प्रतिसेयर आम्दानी ४२ रुपैयाँ ५७ पैसा, प्रतिसेयर नेटवर्थ १७४ रुपैयाँ छ । हाल दोस्रो बजारमा हाल कारोबार भईरहेको उसको शेयर मूल्य ३३३ रुपैयाँ छ ।

comments powered by Disqus

हरेक नेपालीलार्इ शेयरधनी बनाउन ३५०० मेगावाटका आयोजना निर्माण गर्दै सरकार

Sep 25, 2018

सरकारले हरेक नेपाली नागरिकलाई जलविद्युत् आयोजनाको शेयरधनी बनाउने लक्ष्यका साथ तीन हजार ५०० मेगावाट क्षमताका जलविद्युत् आयोजना निर्माणको प्रक्रिया शुरु गर्ने भएको छ।‘नेपालको पानी, जनताको लगानी’ मूल नाराका साथ सबै नेपालीलाई लगानीकर्ता बनाउने र दीर्घकालीन रूपमा आर्थिक उपार्जनको माध्यम बनाउने लक्ष्यका साथ उक्त अवधारणा अगाडि सारिएको हो।