वनस्पति कार्यालयले टीकापुर, चौमाला र धनगढीमा क्यामोमाईलको खेती गरिरहेको छ । क्यामोमाईलको तेल बेचेर यस बर्ष मात्रै करिब २४ करोड रुपैया आम्दानी गरेको वनस्पति अधिकृत लक्ष्मण झाले बताए ।
५० हजार देखि ६० हजार प्रति लिटरमा विक्री हुदै आएको क्यामोमाईल तेलको अमेरिका र जर्मनीबाट बढी माग आएको उनले बताए । नेपालमा क्यामोमाईलको खेती विस्तार गर्न सके किसानले राम्रो आम्दानी गर्न सक्ने उनको भनाइ छ ।
धनगढी उपमहानगरपालिका वडा नम्बर ७ मा रहेको देवरिया वनस्पति उद्यानले निशुल्क रुपमा क्यामोमाईलको विउ विरण गर्दै आएको छ । उद्यानमा २ सय ५० प्रजातिका वनस्पति रहेका छन् । उद्यानमा क्यामोमाईल प्रशोधन गर्ने मेसिन पनि राखिएको छ ।
