बुटवल पावरले विहीबारदेखि २० प्रतिशत नगद वितरण गर्ने

Jul 12, 2018 Merolagani

बुटवल पावर कम्पनी (BPCL) ले आर्थिक वर्ष २०७३/७४ को नाफाबाट सेयरधनीलाई वितरण गरेको २० प्रतिशत नगद लाभांश असार २८ गते बिहीबार देखि वितरण गर्न थालिएको जनाएकाे छ । कम्पनीले सेयर रजिष्ट्रार एनएमबि क्यापिटल मार्फत सेयरधनीको बैंक खातामा उक्त लाभांश वितरण गर्ने जनाएको छ।

बुटवल पावरको गत जेठ ८ गते सम्पन्न २५ औं साधारण सभाले प्रतिसेयर २० रुपैयाँका दरले नगद लाभांश वितरण गर्ने प्रस्ताव पारित गरेको थियो ।

यो लाभांश कम्पनीले सभाका लागि बुकक्लोज गरेको अघिल्लो दिन बैशाख २६ गतेसम्म कायम सेयरधनीले मात्र प्राप्त गर्न सक्नेछन् ।

कम्पनीले हालसम्म आफुसँग रहेको सेयर डिम्याट नगराएका तथा डिम्याट खाताा बैंक खाता अद्यावधिक नगराएका लगानीकर्ताले भने सेयर डिम्याट गराएर बैंक खाता अद्यावधिक गराएपश्चात मात्र नगद लाभांश वितरण गर्नेछ ।

सेयर धितोमा कर्जा लिएका सेयरधनीले कर्जा लिएको सम्बन्धित संस्थाबाट नगद लाभांश फुकुवाको पत्र पेश गरेपश्चात मात्र लाभांश वितरण गर्ने जनाएकाे छ ।

यसअघिका बर्षमा वितरण गरिएकाे लाभांश संकलन नगरेका सेयरधनीले एनएमबि क्यापिटल नागपोखरीमा सम्पर्क गरेर लाभांश संकलन गर्नसक्ने  बुटवल पावरले बताएको छ ।

कम्पनीले निष्काशन गरेकाे सूचना यहाँबाट हेर्नुहाेस् ।

 

comments powered by Disqus

एक प्रतिशत बोनस बाँडेर १ रुपैयाँ नै प्रतिशेयर आम्दानी बनाउने बैंक चिन्नुहोस्

Nov 13, 2018

नेपाल स्टक एक्सचेञ्जमा सूचीकृत एउटा विकास बैंकले चालू आर्थिक वर्षको पहिलो त्रैमासमा ९६ लाख ६९ हजार रुपैयाँ खुद नाफा कमाएको छ। बैंकका शेयरधनीको चासोका रुपमा बैंकको त्रैमासिक प्रतिशेयर आम्दानी १ रुपैयाँ ८३ पैसा कायम भएको विषय परेको छ ।