शुक्रबार न्यायाधीश वमकुमार श्रेष्ठको एकल इजलासले यस्तो आदेश जारी गर्दै ४ जनालाई हटाउने निर्णय कार्यान्वायन नगर्न सरकारका नाममा अल्पकालिन अन्तरिम आदेश जारी गरेको हो । श्रेष्ठको एकल इजलासले रिट हाल्नेहरुको निवेदन माथि सुनुवाई गर्दै यस्तो आदेश जारी गरेको हो ।
आदेश मार्फत सर्वोच्च अदालतले राष्ट्रिय सहकारी बोर्डका सहअध्यक्ष दक्ष पौडेल, घरेलु तथा साना उद्योग विकास समितिका कार्यकारी निर्देशक नवीनकुमार झा, गोरखापत्र संस्थानका महाप्रबन्धक वसन्तप्रकाश उपाध्याय र एकीकृत वागमती विकास समितिका अध्यक्ष नरेन्द्रराज बस्नेतलाई पदमुक्त गर्ने निर्णय तत्काल कार्यान्वायन नगर्न भनेको छ ।
ओली नेतृत्वको सरकारले निर्वाचन आचारसंहिता लागू भएपछि देउवा सरकारले गरेका सबै राजनीतिक नियुक्ति बदर गर्ने निर्णय गरेको थियो ।