गत आइतबार सर्वोच्च अदालतले साउदलाई पुर्नवहाली गर्न आदेश दिएको थियो ।
सर्वोच्च अदालतले काममा फर्किन आदेश दिएको ५ दिन पछि साउद बल्ल नियमित काममा फर्किएका हुन् ।
सर्वोच्चले काममा फर्काउन आदेश दिएको भएपनि अर्थ मन्त्रालय र नेप्से सञ्चालक समितिसँग समन्यव नहुँदा विवादका कारण साउद नियमित काममा फर्किका थिएनन् ।
सिइओ साउदलाई नेप्सेमा हाजिर गर्न नदिएको भन्ने खबरहरु बहिरिए पनि उनले भने साउन १ गते देखि नै हाजिर गर्दै आएको दाबी गरे ।
उनले भने, 'हाजिर नगर्नु भन्ने मन्त्रालयको इन्टेन्सन थिएन तर हाजिर गर्नु पहिले अर्थ मन्त्रालयमा लिखित जानकारी गराउनुपर्ने थियो त्यस अनुरुप मैले सचिव समक्ष लिखित जानकारी गराएर अदालतको आदेश अनुसारमा साउन १ गते देखि नै नियमित काममा छु । त्यस बीचमा त्यस्तो कुनै विवाद छैन ।’
देउवा सरकारले गरेको नियुक्तिलाई निर्वाचन आचारसंहिता विपरित भन्दै साउदलाई खारेज गरेको सरकारले अर्थमन्त्रालयका उपसचिव रमेश अर्याललाई अर्को व्यवस्था नभएसम्मका लागि भन्दै नेप्सेको प्रमुख कार्यकारी अधिकृत नियुक्त गरेको थियो ।
देउवा सरकारले साउदलाई गत असोज २४ गते ४ वर्षका लागि नियुक्त गरेको थियो ।
