सम्झौता अनुसार एनआइसी एशियाका ग्राहकहरुले मुलुकभर फैलिएका बैंकको २३२ वटै शाखाहरुबाट सहज रुपमा सुर्या लाईफ इन्स्योरेन्सको जीवन बिमा पोलिसीहरु खरिद गर्न सक्नेछन् ।
बैंकले हाल २३२ शाखा कार्यालयहरु, २२० एटिएम, १४ वटा एक्सटेन्सन काउण्टर एवं १५ वटा शाखारहित बैंकिङ्ग ईकाई मार्फत बैंकिङ्ग सेवा प्रदान गर्दै आइरहेको छ ।
बैंकको वासलातको आकार १७५ अर्ब रुपैयाँ भन्दा बढी छ । कुल निक्षेप करिब १५० अर्ब तथा कुल कर्जा करिब ११९ अर्ब रुपैयाँ रहेको छ ।
