उक्त सम्झौता भए पश्चात युनियन लाइफ इन्स्योरेन्सले जारी गर्ने विभिन्न जीवन बिमा योजनाहरु गण्डकी विकास बैंकको देशभर रहेका शाखा कार्यालयहरुबाट उपलब्ध हुनेछ ।
गण्डकी विकास बैंकको केन्द्रिय कार्यालय सहित देशै भर ६८ शाखा कार्यालय रहेका छन् । बैंकका विभिन्न ठाँउमा ९ वटा शाखाहरु तयारीमा रहेको बैंकले जनाएको छ । यस पश्चात बैंकका ७७ वटा शाखा कार्यालय र देशका सातै प्रदेशबाट बैंकिङ्ग सेवा प्रदान हुने बैंकका प्रमुख कार्यकारी अधिकृत थापाले बताए ।
बैंकले ग्राहकको लागि आर्कषक व्याजदरका विभिन्न निक्षेप योजना परिचालन गर्नुका साथै सहज र सरल रुपमा कर्जा प्रवाह गरिरहेको छ । बैंकले न्यून आय भएका व्यक्तिलाई विपन्न वर्ग कर्जा तथा समूहमा आबद्ध व्यक्तिहरुका लागि लघुवित्त कर्जा पनि प्रदान गर्दै आएको छ ।
