स्थानीयबासीका लागि आँखु खोलाको ८ करोडको आईपिओ खुल्यो

Aug 02, 2018 Merolagani

आँखु खोला हाइड्रो पावर कम्पनी (AKHCL) ले साउन १७ गतेदेखि साधारण शेयर (आईपिओ) बिक्री खुला गरेको छ । कम्पनीले आयोजना प्रभावित क्षेत्र धादिङ्गका स्थानीय बासिन्दाका लागि ८ करोड रुपैयाँ बराबरको ८ लाख कित्ता आइपिओको निष्काशन गरेको हो ।

कम्पनीले पहिलो चरणमा जारी पूँजी ८० करोडको दश प्रतिशतले हुने शेयर उद्योग प्रभावित क्षेत्र धादिङ्गका सम्पूर्ण बासिन्दाको लागि बिक्री खुला गरेको हो । यस आईपिओमा स्थानीयले साउन १७ गतेदेखि छिटोमा साउने ३१ गतेसम्म तथा ढिलोमा भदौ १५ गतेसम्म आवेदन गर्न पाउनेछन् ।

शेयर निष्काशन तथा बिक्री प्रबन्धक सिभिल क्यापिटल मार्केटका अनुसार आयोजना प्रभावितले उक्त आइपिओमा कम्तिमा ५० कित्ता र बढीमा चार हजार कित्ता सम्मका लागि आवेदन दिन पाउनेछन् । तर स्थानीयले शेयर खरिद गरेमा शेयर बाँडफाँड भएको मितिले ३ बर्षसम्म बिक्री वा हस्तान्तरण गर्न भने पाउने छैनन् ।

 यी ठाउँबाट गर्न सकिन्छ अावेदन

इच्छुक आवेदकले आँखु खोला हाइड्रो पावर कम्पनीको आयोजना स्थलको कार्यालय त्रिपुरासुन्दरी गाँउपालिका ४ रिङनेबजार र धादिङमा सञ्चालनमा रहेका मुक्तिनाथ विकास बैंक, सिभिल बैंक र प्रभु बैंकका शाखा कार्यालय मार्फत आवेदन दिन सक्नेछन् ।

 

इक्रा नेपालले आँखु खोला जलविद्युत कम्पनी लिमीटेडको आईपिओ ग्रेड फाइभको ग्रेडिङ्ग प्रदान गरेको छ । यसको अर्थ यो कम्पनीको अवस्था औसत भन्दा कमजोर रहेको जनाउँछ ।

कम्पनीले स्थानीयलाई शेयर बिक्री गरेपछि आम सर्वसाधारणका लागि १२ करोड बराबरको १२ लाख कित्ता आईपिओ जारी गर्नेछ । हाल कम्पनीको चुक्ता पूँजी ६० करोड रुपैयाँ रहेको छ । आईपिओपछि बढेर ८० करोड पुग्नेछ ।

यस कम्पनीबाट प्रर्वद्धित आँखुखोला–१ जलविद्युत आयोजना निर्माण सम्पन्न भई २०७० साल भाद्र ८ गतेदेखि व्यवसायिक उत्पादन सुरु भैसकेको छ । कम्पनीबाट निर्माण सम्पन्न भई सञ्चालनमा रहेको जलविद्युत आयोजनाको क्षमता ८.४ मे.वा. रहेको छ ।

आयोजनाको कुल लागत २४२.७३ करोड रहेको छ । जसको प्रतिमेगावाट लागत २८.८९ करोड रहेको छ । आयोजनाले साधारण लगानी फिर्ता हुने समयवधि झण्डै ९ बर्ष राखेको छ ।

comments powered by Disqus

बलियो पूँजी आधार निमार्ण गरेको इन्भेष्टमेन्ट बैंकको उत्साहजनक प्रगति

Aug 14, 2018

पूँजी आधार निरन्तर बलियो बनाउँदै लगेको नेपाल ईन्भेष्टमेन्ट बैंक(NIB) ले गत आर्थिक बर्षको चौथो त्रैमासको उत्साहजनक प्रगति विवरण प्रस्तुत गरेको छ । १५ प्रतिशत बढीले चूक्ता पूँजी बढाएको बैंकले २६ प्रतिशत नाफा बढाएर प्रतिशेयर आम्दानी ३७ रुपैयाँ कायम गरेको छ ।