भिबोर विकास बैंकको सहायक कम्पनीको रुपमा ८ वर्ष पहिला स्थापना भएको यस क्यापिटल विगत तीन वर्षदेखि सञ्चालन नाफामा रहेकोमा अगामी वर्षदेखि राम्रो व्यवसाय गरि खुद नाफामा जाने प्रक्षेपण गरिएको छ । निजी क्षेत्रबाट थप भएका शेयरधनीका तर्फबाट समेत गरि साउन १४ गते बाट लागुहुने गरि नयाँ संचालक समिति गठन गरिएको हो ।
नयाँ लगानीकर्ताबाट प्रतिनिधित्व गरेका तुलसी प्रसाद उप्रेती राष्ट्र बैंकमा अध्यक्षमा चयन भएको छन् । अध्यक्ष उप्रेती नेपाल राष्ट्र बैंकमा ३० वर्ष सेवा पुरा गरि कार्यकारी निर्देशक पदबाट अवकाश भएका थिए ।
उप्रेतिसँग राष्ट्रिय वाणिज्य बैंक, राष्ट्रिय बीमा संस्था, नेपाल बंगलादेश बैंकमा सञ्चालक र पश्चिमाञ्चल ग्रमिण विकास बैंकमा अध्यक्ष पदको समेत कार्याअनुभव रहेको छ ।
क्यापिटलका, सञ्चालकमा आदर्श राज पाण्डे, र लुम्बिनी बिकास बैंक तर्फबाट दिपक खड्का तथा हरि कृष्ण सुबेदी रहेको छन् । त्यसैगरि संयुक्त राज्य अमेरिका र थाइल्याण्डमा वित्तिय व्यवस्थापनमा उच्च शिक्षा हासिल गरी राष्ट्रिय तथा अन्तराष्ट्रिय संस्थामा कार्य गरिसकेका सौरभ तिमिल्सिना प्रमुख कार्यकारी अधिकृत नियुक्त भएका छन् ।
