मलेसियाली पूर्व प्रम रजाकलाई कालो धन थुपारेको आरोप, प्रमाणित भए १५ वर्ष जेल

Aug 08, 2018 RSS

मलेसियाका पूर्व प्रधानमन्त्री नजिब रजाकमाथि अरबौँ अमेरिकी डलर बराबरको रकम अपचलन गरेका नयाँ आरोप लागेको छ । मलेसियामा केही महिना अघि सम्पन्न आमनिर्वाचनको समयमा पनि विपक्षीहरुले यही विषय उठाउँदै आएका थिए ।

मलेसियाको राजधानी क्वालालम्पुरस्थित अदालतमा उपस्थित गराइएका उनीमाथि करिब ४ करोड २० लाख मलेसियाली रिंगीट ९एक करोड ३ लाख डलर० भ्रष्टाचार गरेको आरोप लगाइएको थियो, तर उनले यसलाई अस्वीकार गरेका छन् । आरोप प्रमाणित भएमा उनले १५ वर्ष जेल बस्नुपर्नेछ ।

उनी सत्तामा रहँदा गरेका भनिएका विभिन्न तीन वटा भ्रष्टाचारका मुद्दा लागेका छन् । उनलाई गत महिना पक्राउ गर्दा नै भ्रष्टाचार गरेर अवैध रकम थुपारेको आरोप लागेको थियो । बुधबारको यो आरोप तिनै आरोपमध्येको एउटा हो ।

पूर्व प्रधानमन्त्री रजाक ६५ वर्षका छन् । गत महिना पक्राउ परेका उनी धरौटीमा छुटेका थिए ।
मलेसियाली सरकारले पनि उनी प्रधानमन्त्री रहँदा उनले नै स्थापना गरेको‘ १एमडिबी’ नामको आयोजनामार्फत उनले अरबौँ डलर दुरुपयोग गरेको भनी अनुसन्धान गरिरहेको छ ।

बुधबार अदालतमा उपस्थित भएका पूर्व प्रधानमन्त्री रजाक माथि लगाइएका भनिएका ती तिनवटै विषयका बारेमा के थाहा छ भनेर सोधिएको थियो ।

बुधबारै उनको मुद्दा अर्को अदालतमा सारिएको छ । उनको मुद्दाको बारेमा आगामी शुक्रबार थप सुनुवाई हुने बताइएको छ ।

 

comments powered by Disqus

लगानीकर्ताको अनशन र आन्दोलनपछि अर्थ र सेबोनको टालटुले विज्ञप्ती

Dec 10, 2018

पूँजी बजारको विकास र विस्तारको काम अलपत्र परेको भन्दै लगानीकर्ताले सशक्त्त अनशन र आन्दोलनका कार्यक्रमलाई अगाडि बढाउन थालेपछि अर्थ मन्त्रालय र नियामक निकाय धितोपत्र बोर्डले विज्ञप्ती जारी गर्दै आफूहरु पूँजी बजारमा विकास र विस्तारमा लागि परेको संकेत गरेका छन् ।