नेपालबाट बंगलादेशले पाँचसय मेगावाट विद्युत्त किन्ने, विद्युत खरिद सम्झौतामा हस्ताक्षर

Aug 10, 2018 Merolagani

नेपालको जलविद्युत क्षेत्रमा लगानी गर्नेमा बंगलादेश पनि थपिएको छ । नेपालको जलविद्युतमा अहिलेसम्म्म भारत र चीनको लगानी धेरै रहेकोमा अब बंगलादेश पनि इच्छुक भएको हो । बंगलादेशसँग शुक्रबार नै उर्जा क्षेत्रमा लगानी गर्ने समझदारी भएको छ ।

उर्जा क्षेत्रमा लगानीका लागि शुक्रबार नेपाल र बंगलादेशबीच समझदारीपत्र (एमओयु) मा हस्ताक्षर समेत भएको छ । सम्झौतापत्रमा नेपालको तर्फबाट जलस्रोत, ऊर्जा तथा सिंचाइ मन्त्री वर्षमान पुन र बंगलादेशका विद्युत, ऊर्जा तथा खनिज राज्यमन्त्री नसरुल हमिदले हस्ताक्षर गरेका छन् ।

बंगलादेशले नेपाली लगानीकर्तासँग साझेदारीमा ऊर्जा विकासमा संयुक्त रुपमा लगानी गर्ने भएको हो । त्यसैगरि भारतको जिएमरआर कम्पनीले निमार्ण गर्ने माथिल्लो कर्णाली आयोजनाबाट बंगलादेशले ५०० मेगावाट बिजुली खरिद गर्ने पनि सहमति भएको छ । यसका लागि प्रसारण लाइन जोड्ने विषयमा बिमेस्टेक सम्मेलनमा छलफल गर्ने समझदारी भएको छ ।

नेपालले यसअघि साउन पहिलो साता अष्ट्रेलियासँग नेपालको उर्जा क्षेत्रको विकासका लागि जलविद्युत परियोजनाको विकासमा प्राविधिक तथा अन्य सहयोग उपलब्ध गराउने सम्झौता गरेको थियो ।

स्थिर सरकार निमार्ण भएपछि नेपालको विद्युत उत्पादन लगानी गर्न पछिल्लो समय एकपछि अर्को देश इच्छुक देखिन थालेका छन् ।

comments powered by Disqus

एक अर्ब ५७ करोडको आईपिओ आउने, धितोपत्र बोर्डले दियो अनुमति

Mar 25, 2019

सर्वसाधारणमा एक अर्ब ५७ करोड ३८ लाख १५ हजार रुपैयाँ बराबरको एक करोड ५७ लाख ३८ हजार १५० कित्ता शेयर बिक्रीमा आउने भएको छ। नेपाल धितोपत्र बोर्डले चैत १० गते रसुवागढी हाइड्रोपावर र साञ्जेन जलविद्युत कम्पनीलाई उक्त परिमाणको शेयर निष्काशन गर्न अनुमति दिएको हो।