जसमा कुल एक हजार २० आवेदन परेको छ । साधारण शेयरको लागि १०१५ र संस्थापक शेयरका लागि ५ वटा आवेदन परेको एनआईसी क्यापिटलले जनाएको छ ।
मंगलबार सूर्या लाइफको लिलामी शेयरको बिक्री प्रबन्धक एनआइसी क्यापिटलको कार्यालयमा बोलपत्र खोलिएको छ । पहिलो चरणमा साधारणतर्फको बोलपत्र खुला गरिएको हो ।
अहिले दोस्रो बजारमा प्रतिकित्ता ५३५ रुपैयाँ हाराहारीमा कारोबार भईरहेको शेयरको न्यूनतम लिलामी मूल्य एक सय रुपैयाँ तोकिएको थियो ।
प्रारम्भिक नतिजा अनुसार साधारणतर्फको एक सय बोलपत्र खुला गर्दा अधिकतम ५५२ रुपैयाँसम्मको आवेदन परेको छ । लगानीकर्ताले प्रति कित्ता सय रुपैयाँका दरले पनि कम्पनीको लिलामीको शेयरमा आवेदन गरेको पाईएको छ ।
धेरैजसो आवेदन बजार मूल्यभन्दा कममा परेको छ । यसले लिलामी आवेदनमा पछिल्लो समय आवेदक सजक भएको देखिन्छ । पहिला पहिला उच्च मूल्यमा लिलामीमा सेयर सकार्ने प्रवृत्ति देखिएपनि अहिले भने बजार मूल्यभन्दा कममा आवेदन धेरै पर्न थालेको हो ।
