सुरक्षित आवास कर्जा योजनाको कर्जा अवधि अधिकतम २० वर्ष सम्म रहने, सेवा तथा अन्य शुल्क नलाग्ने, ब्याज मात्र तिरे पुग्ने रहेको र कर्जाको व्याजदर वेस रेटमा अधिकतम २ प्रतिशत सम्म मात्र थप गरी निर्धारण गरिने बैंकले जनाएको छ ।
जसको लागि ग्राहकले आफ्नो वा आफ्नो एकाघर परिवारको नाउँमा बैंकमार्फत जीवन बिमा गराउनु पर्नेछ । बिमा अवधि पश्चात् ग्राहकले बोनस रकम समेत प्राप्त गर्ने बैंकले जनाएको छ ।
यस प्रकारको योजनाले ग्राहकलाई भवितव्य वाट आइपर्ने आर्थिक भारको न्यूनीकरण तथा बचत हुन जाने बैंकका प्रमुख कार्यकारी अधिकृत रेशम बहादुर थापाले बताए । यो सेवा बैंकका सबै शाखा कार्यालयहरुबाट प्रदान गरिने थापाले जानकारी दिए ।
हाल बैंकको पूर्वको ताप्लेजुङदेखि सुदुरपश्चिमको महेन्द्रनगर र उत्तरतिर मुस्ताङ र मनाङ गरी ७२ वटा शाखा सञ्चालनमा रहेका छन् भने निकट भविष्यमा ५ वटा शाखा थप गरी ७७ वटा शाखा सञ्चालनमा ल्याउने योजना बैंकको छ ।