राष्ट्र बैंकले तोकेको न्यूनतम चुक्ता पूँजी कायम गरेका बैंकहरुले थप मर्जरले बाटो समात्दा कम पूँजीका साना बैंकहरुलाई पूँजी वृद्धिको दबाव पर्ने देखिएको छ । मर्जर र एक्विजिशनकै बाटो बाट आठ अर्ब पूँजी पुर्याएको प्राइम बैंकले मर्जरबाटै बलियो बनेको ओम डेभलपमेन्टलाई प्राप्ति गरेपछि अन्य बैंकहरुलाई समेत पूँजी बढाउन अप्रत्यक्ष दबाव परेको छ ।

आइतबार प्राइम कमिर्शयल बैंकले ओम डेभलपमेन्ट बैंकलाई एक्विजिशन गर्ने सम्झौता गरेको छ । समझदारी अनुसार अब ओम डेभलपमेन्ट बैंकको अस्तित्व प्राईम बैंकमा विलिन हुनेछ ।

उक्त सम्झौतामा प्राइम कमर्सियल बैंकका तर्फबाट सञ्चालक समितिका अध्यक्ष उदयमोहन श्रेष्ठ र ओम डेभलपमेन्ट बैंकका तर्फबाट सञ्चालक समितिका अध्यक्ष सुशीलकुमार गोशलीले हस्ताक्षर गरेका छन् ।

दुई बैंक मर्ज भएपछि बन्ने बैंकको चुक्ता पूँजी झण्डै दश अर्ब पुग्नेछ । सम्पति तथा दायित्वको मूल्याङ्कन डीडीएबाट शेयर स्वाप तय गरिने बताइएको छ । दुई बैंक एक भएपछि बन्ने बैंकको निक्षेप एक खर्ब बढी र कर्जा ८९ अर्ब नाघ्ने छ । बैंकको शाखा सञ्जाल ११६ पुग्नेछ ।

वित्त बजारको चुनौती र राष्ट्र बैंकको अस्थिर नीतिको सामना गर्न बलिया बैंकहरु मर्ज हुने अवस्था पुगेको हुन् । दुबै बैंकले संयुक्त रुपमा गत बर्षको लाभांश वितरणको प्रस्ताव गर्ने र तीन महिना भित्र एक्विजिशन प्रक्रिया पुरा गरी वित्तीय कारोबार थाल्ने योजना बनाएका छन् ।

सिटी डेभलपमेन्ट बैंक र ओम फाईनान्स मिलेर बनेको ओम डेभलपमेन्ट बैंकले मनास्लु डेभलपमेन्ट बैंकलाई आफुमा गाभेको थियो । त्यस्तै प्राइम बैंकले विराटनगरको विराटलक्ष्मी विकास बैंक र कन्ट्री डेभलपमेन्ट बैंकलाई आफुमा मिसाएको थियो ।

राम्रा मानिएका वाणिज्य बैंक र विकास बैंकको यो मर्जरले कम पूँजीका अन्य साना बैंकहरुलाई मर्जरमा जान दबाव परेको छ भने ठूला बैंकहरुलाई समेत प्रतिस्पर्धामा उत्रन पनि पुँजी आधार बलियो बनाउनुपर्ने देखिन्छ ।

दुई बैंकले आइतबार गरेका सम्झौता यस्तो छ :-