छिमेक लघुवित्तले प्रस्ताव गर्यो ४० प्रतिशत लाभांश

Sep 14, 2018 Merolagani

छिमेक लघुवित्त (CBBL) ले सेयरधनीलाई ४० प्रतिशत लाभांश वितरण गर्ने प्रस्ताव गरेको छ । लघुवित्त सञ्चालक समितिको बिहीबार साँझ ६ बजे बसेको बैठकले गत आर्थिक वर्षको कमाईबाट आफ्ना सेयरधनीलाई १८ प्रतिशत बोनस तथा २२ प्रतिशत नगद लाभांश वितरण गर्ने प्रस्ताव गरेको हो ।

उल्लेखित नगद लाभांशमा बोनस सेयरमा लाग्ने कर समावेश गरिएको छ । अघिल्लो आर्थिक वर्षमा छिमेकले १९.८९ प्रतिशत बोनस र २५.११ प्रतिशत नगद लाभांश वितरण गरेको थियो ।

अहिले छिमेकको चुक्ता पूँजी १ अर्ब रुपैयाँ छ । नेपाल राष्ट्र बैंकबाट प्रस्तावित लाभांश स्वीकृत भएर साधारण सभाले पारित गरेपछि लगानीकर्ताले पाउने छन् । प्रस्तावित बोनस वितरण पश्चात लघुवित्तको चुक्ता पूँजी १ अर्ब १८ करोड रुपैयाँ पुग्नेछ ।

गत आर्थिक वर्षमा लघुवित्तले ६६ करोड ३८ लाख ९६ हजार रुपैयाँ खुद नाफा कमाएर ६६ रुपैयाँ ३९ पैसा प्रतिसेयर आम्दानी कायम गरेको थियो । बिहीबार छिमेकको प्रतिकित्ता सेयर ९२५ रुपैयाँमा अन्तिम पटक किनबेच भएको छ ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।