पूर्व–पश्चिम रेलमार्गका लागि जापानको एक्जिम बैंकबाट ऋण

Sep 14, 2018 Merolagani

सरकारले पूर्व–पश्चिम रेलमार्गका लागि जापानको एक्जिम बैंकबाट सहुलियत ऋण लिने भएको छ । अर्थमन्त्री डा. युवराज खतिवडाले जापानी राजदूत मासामिची सियागोसँगको भेटमा उक्त प्रस्ताव गरेका हुन् ।

अर्थमन्त्री खतिवडाले नेपालको पूर्व–पश्चिम रेलमार्गका लागि जापानको एक्जिम बैंकबाट सहुलियत ऋण सहयोगका लागि जापानी राजदूत मासामिची सियागो समक्ष आग्रह गरेको अर्थमन्त्रालयले जनाएको छ ।

भेटका क्रममा अर्थमन्त्री र राजदूतबीच जापानी सहयोग र नेपालको सामाजिक–आर्थिक विकासका लागि सम्भावित सहयायता परिचालनबारे विस्तृतमा छलफल भएको थियो ।

त्यस्तै, सरकारले उच्च आर्थिक वृद्धिदरको लक्ष्य राखेकाले पूर्वाधार आयोजना विकासका लागि ठूलो स्रोत परिचालन गर्न आवश्यक रहेको अर्थमन्त्रीको भनाई थियो ।

सो क्रममा जापानी राजदूतले सिन्धुली बर्दीबास सडक खण्डको मर्मत सम्भार तथा विस्तार सम्बन्धि सम्झौतापत्र छिट्टै आदान-प्रदानका लागि आग्रह गरेका थिए । यो सडकको केही खण्डमा २०७२ को महाभूकम्पका कारण क्षति पुगेको छ ।

 

यस्तै, उनले उच्च आर्थिक वृद्धिका लागि हरेक क्षेत्रमा ठूलो लगानी आवश्यक पर्ने भएकाले नेपालले लगानीको वातावरण निर्माण गरी बाह्य लगानी आकर्षित गर्न अर्थमन्त्री खतिवडालाई सुझाएका थिए ।

comments powered by Disqus

एक अर्ब ५७ करोडको आईपिओ आउने, धितोपत्र बोर्डले दियो अनुमति

Mar 25, 2019

सर्वसाधारणमा एक अर्ब ५७ करोड ३८ लाख १५ हजार रुपैयाँ बराबरको एक करोड ५७ लाख ३८ हजार १५० कित्ता शेयर बिक्रीमा आउने भएको छ। नेपाल धितोपत्र बोर्डले चैत १० गते रसुवागढी हाइड्रोपावर र साञ्जेन जलविद्युत कम्पनीलाई उक्त परिमाणको शेयर निष्काशन गर्न अनुमति दिएको हो।