सुधारउन्मुख शेयर बजारप्रति लगानीकर्ता आशावादी, आगामी दिनमा के होला ?

Sep 21, 2018 Merolagani

नयाँ आर्थिक बर्ष लागेयता पछिल्लो दुई महिनाको शेयर बजार सन्तोषजनक नै देखिएको छ । नयाँ बजेट, मौद्रिक नीति तथा पूँजी बजारमा भित्र्याइएका केही नयाँ नीतिहरुले बजारले फड्को मार्न नसके पनि लगानीकर्ता निरुत्साहित हुनुपर्ने अवस्था भने देखिँदैन ।

  नयाँ आर्थिक बर्ष लागे यता साउन १ गतेदेखि असोज ४ गतेसम्मको अवधिमा नेप्से सूचक ५०.७६ अंकले बढेको छ ।

दुई महिनाको अवधिमा नेप्सेमा ४.२१ प्रतिशतको सुधार देखिएको हो। साउन १ गते १२०४.३१ बिन्दुमा रहेको नेप्से सूचक असाेज ४ गतेसम्ममा १२५५.०७ अंकमा पुगेको छ ।

साथै यसबीचमा समग्र बजार पूँजीकरण समेत ६९ अर्बले बढेको छ । साउन, भदौ र असोजको पहिलो सातासम्म शेयर बजारका लगानीकर्ताको सम्पति झण्डै ७० अर्ब बढेको छ । गत साउन १ गते १४ खर्ब २६ अर्ब रहेको बजार पूँजीकरण असोज ४ गतेसम्म १४ खर्ब ९५ अर्ब रूपैयाँमा उक्लेकाे छ ।

पछिल्लो दुई महिनामा शेयर बजारका सूचकहरुलाई केलाउँदा यसबीचमा बजार प्रवेश गरेका अधिकांश लगानीकर्ताको नेटवर्थमा सुधार आएको देखिन्छ । विगतमा बजार उच्च अङ्कमा पुग्दा लगानी गरेर घाटा सहेका लगानीकर्तालाई पनि बजारले केही राहत दिएको छ ।

 

दुई महिनाको अवधिमा एघार समूहमध्ये सात समूहको सूचक बढेको छ भने चार समूहको घटेको छ । सबैभन्दा धेरै उत्पादन समूहको सूचक एक सय अंकले बढेको छ । वाणिज्य बैंक, विकास बैंक, होटल, वित्त, व्यापार र अन्य समूहको सूचकमा सुधार देखिएको छ ।

सबैभन्दा धेरै जीवन बीमा समूहको सूचक ४४५.१० अंकले घटेको छ । यस्तै निर्जीवन बीमा, लघुवित्त र जलविद्युत समूहको सूचक ओरालो लागेको छ । समूहगत सूचकमा आएको फेरबदलको आधारमा वाणिज्य बैंक सूमहको सूचक सबैभन्दा धेरै ७.५६ प्रतिशतले बढेको छ भने जीवन बीमाको सबैभन्दा धेरै ७.२७ प्रतिशतले घटेको छ ।

समग्रमा पछिल्लो दुई महिनामा शेयर बजारका अधिकांश सूचक सकारात्मक अवस्थामा देखिएका छन । गत दुई साता यता बजारमा कारोबार रकममा समेत क्रमश सुधार हुँदै गएको छ । औषतमा २० करोड बराबरको कारोबार हुने बजारमा ५० करोड बढीको कारोबार हुन थालेको छ । यसले शेयर बजारमा केही सुधारको संकेतहरु देखाएको छ ।

आगामी दिनमा के होला बजार ?

सूचीकृत कम्पनीहरुले लाभांश घोषणा गर्नुका साथै साधारणसभा आह्वान समेत गर्न थालिसकेका छन् ।

लाभांश घोषणाको क्रमले बजार चलायमान हुन थालेको छ । अझै पनि लगानीकर्ताको ध्यान वाणिज्य बैंकहरुले घोषणा गर्ने लाभांशमा नै देखिन्छ ।

वाणिज्य बैंकहरुले लगानीकर्तालाई निराश नपार्नेगरी लाभांश योजना ल्याएमा बजारले सकारात्मक बाटो समात्ने आंकलन गर्न सकिन्छ ।

यसबीचमा बजारमा आएको सुधारले अधिकांश लगानीकर्ताले बैंकहरुबाट आउने मार्जिन कलको तनावबाट मुक्त रहेका छन् । बजार सुधारीएको मार्जिन कलको समस्या रहँदैन जसले लगानीकर्तामा उत्साह नै पैदा गर्छ ।

अर्कातर्फ केही वाणिज्य बैंक तथा विकास बैंकहरुले शेयर कर्जाका नयाँ योजना सार्वजनिक गरेका छन् भने अन्य बैंकहरुले पनि यस्ता योजना ल्याउने अपेक्षा गरिएको छ । शेयर कर्जामा हुने बढोत्तरीले बजारलाई नयाँ उचाईमा पुर्याउन सक्छ ।

सबैभन्दा महत्वपूर्ण असोज लागेपछि बैंक तथा वित्तीय संस्थाहरुले कर्जाको ब्याजदर घटाउने ठूलो अपेक्षा लगानीकर्तामा छ । बैकर्सहरुले पनि यसअघि पटक पटक असोजपछि बैंक ब्याजदर घट्ने बताउँदै आएको थिए । कर्जाको ब्याजदर घट्न गएमा बजारलाई झन् टेवा पुग्ने देखिन्छ । त्यस्तै चाडपर्व नजिकिदै गर्दा बजारमा नगद प्रवाह समेत बढ्ने हुँदा शेयर कारोबार समेत थप चलामायन हुने अपेक्षा सर्वत्र छ ।

नेप्सेले अनलाइन कारोबार प्रणाली कार्यान्वयनमा ल्याउने अन्तिम तयारी गरेको छ । अर्थमन्त्रालयले शेयर बजारको करको बिषयमा उत्पन्न विवाद समाधान गर्ने प्रयास गरिरहेको छ । मार्केट मेकरको रुपमा कर्मचारी सञ्चयकोष लगायतलाई परिचालन गर्ने तयारी समेत गरेको छ ।

बैंकहरुलाई ब्रोकर लाईसेन्स दिने लगायतका कामहरु पनि अगाडि बढ्दै जाँदा यी कुराहरुले आगामी दिनमा शेयरबजारलाई थप चलायमान बनाउने सहजै अनुमान गर्न सकिन्छ ।

comments powered by Disqus

चौतारी लघुवित्तको आईपिओ नतिजा मेराेलगानीमा

Dec 14, 2018

चौतारी लघुवित्त (CHAUTARI) को आईपिओ आज शुक्रबार बाँडफाँड भएको छ। लघुवित्तको शेयर कूल आवेदक मध्ये ५६ हजार ७० आवेदकले मात्रै  गाेला प्रथाबाट शेयर पाएका छन् भने २ लाख १७ हजार १२२ जनाकाे हात खाली भएकाे छ ।