सर्वसाधारणमा जारी गर्नेे शेयर निष्काशनको अनुमतिका लागि कम्पनीले नियामक निकाय धितोपत्र बोर्डमा दशैं अगावै निवेदन दिने जनाएको छ ।
शिवमले आयोजना प्रभावित क्षेत्र मकवानपुर जिल्लाका स्थानीय बासिन्दाहरुलाई साउन १३ गते देखि भदौ ११ गतेसम्म जारी पूँजीको २ प्रतिशत बराबरको ८ लाख ८० हजार कित्ता जारी गरेकाे थियाे। स्थानीयकाे उक्त्त शेयर कम्पनीले २०० रुपैयाँ प्रिमयिम सहित प्रतिकित्ता ३०० रुपैयाँमा निष्काशन गरेको थियो । स्थानीयले २ लाख २४० कित्ता शेयर मात्र खरिद गरेका छन् ।
स्थानीयकाे उक्त्त शेयर असोज १० गते बुधबार बाँडफाँड गरिएको शेयर निष्काशन तथा बिक्री प्रबन्धक सिद्धार्थ क्यापिटलले जनाएको छ । रितिपूर्वक माग आवेदन गरेका स्थानीयलाई मागअनुसार नै शेयर बाँडफाँड गरिएकाे हाे ।
यसअघि कम्पनीले जारी पूँजी चार अर्ब ४० करोडको १० प्रतिशतले हुने ४४ लाख कित्ता शेयर सर्वसाधारणमा निष्काशन गर्ने जनाएको थियो । स्थानीयको अवितरित ६ लाख ७९ हजार ७६० कित्ता शेयर थपिएपछि सर्वसाधारणलाई निष्काशन गर्ने शेयरको अनुपात ५० लाख ७९ हजार ७६० कित्तामा बढेको हो ।
कम्पनीले सर्वसाधारणका लागि निष्काशन गर्ने शेयरमा भने प्रिमियम मुल्यमा ३०० रुपैयाँ थपेर प्रतिकित्ता ४०० रुपैयाँका दरमा निष्काशनमा आउनेछ ।
गत आर्थिक वर्षको चौथो त्रैमाससम्ममा एक अर्ब १४ करोड नाफा कमाउने प्रक्षेपण गरेको कम्पनीले तेश्रो त्रैमाससम्मा ९३ करोड ६७ लाख खुद नाफा कमाएको थियो । चौथो त्रैमासिकको प्रतिवेदन भने कम्पनीले हालसम्म सार्वजनिक गरेको छैन ।