असोज २६ गते शुक्रबार पोखराको होटल ग्रान्ड विरौटामा बैंकको १२ औं बार्षिक साधारण सभा सम्पन्न भएको हाे ।
सभाले शेयरधनीहरुलाई १० प्रतिशत बोनश शेयर र कर सहित ३.७५ प्रतिशत नगद लाभांश वितरण गर्ने प्रस्ताव पारित गरेको हो ।
साधारण सभाले पारित गरेको २५ करोड ३४ लाख ८८ हजार रुपैयाँको बोनस तथा ९ करोड ५० लाख ५८ हजार रुपैयाँ नगद लाभांश अब शेयरधनीलाई वितरण गर्नेछ । साधारण सभाको लागि बैंकले असोज १२ गतेदेखि बुकक्लोज गरेकाले ११ गतेसम्म कायम शेयरधनीहरुले मात्र लाभांश प्राप्त गर्नेछन् ।
२ अर्ब ५३ करोड ४८ लाख ८० हजार रुपैंया चुक्ता पूँजी रहेको गरिमाको १० प्रतिशत बोनस पश्चात २ अर्ब ७८ करोड ८३ लाख ६८ हजार रुपैयाँ चुक्ता पूँजी पुगेको छ ।
गत बर्ष बैंकले ४३ करोड ७८ लाख खुद नाफा कमाएर प्रतिशेयर आम्दानी १७ रुपैयाँ २७ पैसा कायम गरेको थियो ।