यहि वर्षको पुषबाट पूर्ण सञ्चालनमा आउनु पर्ने यो आयोजना २०७६ को असारमा परिक्षण र कार्तिकमा व्यवसायिक सञ्चालनमा आउने आयोजनाका प्रमुख कार्यकारी विज्ञानप्रसाद श्रेष्ठले जानकारी दिए ।
बुधबार नेपाल बिद्युत प्राधिकरणमा आयोजित पत्रकार सम्मेलनमा श्रेष्ठले भूकम्प र नाकाबन्दीले नै आयोजना पछाडि धकेलिएको जिकिर गरे ।
दोलखाको बिगु गाउँपालिका १ लामाबगरमा २०६७ साल भदौदेखि यो परियोजना निर्माणाधिन छ ।
परियोजनामा नेपाल सरकारको ११ अर्ब, कर्मचारी सञ्चय कोषले १० अर्ब,नेपाल टेलिकमको ६ अर्ब, नागरिक लगानी कोषको २ अर्ब र राष्ट्रिय बिमा संस्थानले २ अर्ब लगानी गरेको छ।
आयोजना प्रभावित स्थानीय,संस्थागततर्फबाट सञ्चय कोषका बचतकर्ता तथा सर्वसाधरणका लागि पनि आयोजनाले सेयर वितरण गर्दैछ ।
स्वदेशी लगानी र सीपमा निर्माण भर्इरहेको अप्पर तामाकोसी सञ्चालनमा आउँदा नेपालको सबै भन्दा ठूलो बिद्युत उत्पादक परियोजना हुनेछ ।
